Jo vetëm vdekja, dhimbja ka rrënjë të thella për fundin tragjik të Lear Kurtit, 32-vjeçarit, i cili gjeti vdekjen pas ndalimit nga Policia.
Në dëshminë që ka dhënë për gazetaren, Dorjana Bezat, babai i Lear Kurtit ka rrëfyer se nuk është babai biologjik i tij, por adoptues.
Ai e ka marrë Learin, kur ishte vetëm 2 vjeç nga shtëpia e Fëmijës për ta rritur bashkë me të shoqen.
Fati i keq i tyre që sot e kërkojnë nëpër dyert e morgut për t’i parë trupin.
Ngjarja e rëndë ndodhi rreth orës 23:00 të së mërkurës, kur i riu ishte duke lëvizur në rrugën “Riza Cuka” në këmbë.
Sikurse është raportuar, policia i kërkoi të ndalonte, por ai është larguar me vrap. Patrulla e prangosi pranë një marketi në rrugën “Don Bosko” dhe e shoqëroi për në komisariatin e Policisë nr.3 ku ka nisur të ndihet keq.
Këtu nisin kontradiktat në pohimet midis policisë dhe spitalit të Traumës, ku u dërgua Kurti.
Agjencia e Mbikëqyrjes Policore (AMP) deklaron se vdiq në spital, ndërsa Spitali i Traumës thotë se i riu kishte ndërruar jetë kur mbërriti atje. Trupi ndodhet tashmë në morg ku pritet ti nënshtrohet ekspertizës së thelluar.
