Një demagogji mbi çdo absurd, deklarata e Ramës per mjekët.
“Nuk kemi mungesë mjekësh ”-thotë.
Në fakt kemi një mjek për 1000 banore, vendi me numrin më të ulët në Kontinent.
Kur mesatarja europiane është reth 4,5.
Jemi vendi me numrin më të ulët të specializantëve post universitar.
Rama harron se mjeku bëhet mjek mbasi mbaron edhe specializimin, qoftë edhe për mjek familje.
Dhe mbi gjysma e specializantëve në Shqipëri paguajnë nga xhepi i tyre e nuk marrin asnjë qindarkë për punën që bëjnë, siç ndodh kudo në institucionet publike.
Më tej ai bën dhe një deklaratë anti kushtetuese, “nuk do t”u japë diplomën deri sa të kenë kthyer shpenzimet e shkollimit”.
Absurde kjo, ndesh me çdo të drejtë universale- studenti merr diplomen kur përfundon ciklin e studimit, ky është ligji e parimi.
Dhe studentët e mjekesise paguajnë jo pak gjatë studimit, edhe në fakultetin publik!
Politika “kokëposhtë ” këto, që nuk rregullojnë asgjë, por vetëm do të degradojnë më tej sistemin tonë shëndetësor të “kalbur”, kur:
-Mjekët kanë nevojë për dinjitet në punën e tyre, jo për pranga në duar.
—Mjekët duhet të stimulohen e financohen për t’u kualifikuar pa ndërprerje, të azhornohen me zhvillimet shkencore e profesionale.
-Të kenë ambjentet e teknologjinë për të vënë në shërbim të pacientit dijet e tyre.
-Të kenë një sistem shëndetësor të mirë menaxhuar të drejtuar nga njerëz të kualifikuar e jo nga emisarë, që nuk i lidh asgjë me sistemin shëndetësor.
–Mjeket kanë nevojë për burime financiare të përshtatshme, jo për tu bërë të pasur, por për atë, që është e domosdoshme për një jetë dinjitoze dhe produktive.
Pagesat në institucionet publike janë ofenduese, me të ultat në Kontinent, edhe nën Kosovën.
Sistemin publik kjo qeveri e ka katandisur kaq keq, sa ajo çfarë e mban “gjallë ” atë është vetëm pasioni i mjekëve e personelit, si dhe interesi i tyre për pagesa “extra”.
Dhe Kryeministri vazhdon më tej me absurditete duke akuzuar Gjermaninë … për ate që ai po bën “kokëposhtë ”, apo akoma më keq:
Do t’i kerkojë dhe dëmshpërblime asaj!!!
Qesharake kjo!
