Vijon ngritja e departamenteve në Partinë Demokratike.
Pasditen e djeshme u zhvilluan zgjedhjet për Departamentin e Arsimit dhe Departamentin Brain Gain dhe Ekselencës.
Për departamentin e Arsimit të Lartë, Shkencës dhe Innovacionit kandiduan:
1. Ilirjana Kucana
2. Lili Sula
Për Departamentin e Brain Gain dhe Ekselencës, kandiduan:
1. Ana Perduka
2. Andi Mustafaj
3. Elior Vila
Me shumicën e votave të anëtarëve,
– Lili Sula, u zgjodh drejtuese e Departamentit të Arsimit të Lartë, Shkencës dhe Innovacionit
Andi Mustafaj, Drejtues i Departamentit të Brain Gain dhe Ekselencës – për rrjetin ndërkombëtar
– Elior Vila, Drejtues i Departamentit të Brain Gain dhe Ekselencës – për rrjetin kombëtar.
Grupit të punës iu bashkuan nëpërmjet platformës online pedagogë nga Universitetet më të mira në Amerikë, të rinj ekselentë të shkolluar e punësuar jashtë vendit, të cilët kanë dëshirën për të kontribuar për vendin e tyre.
Pak ditë më parë në Departamentin e Sigurisë Publike drejtues u zgjodh z. Avenir Peka.
Për herë të parë, Partia Demokratike, fut votimin on-line për zgjedhjen e drejtuesve të departamenteve duke i dhënë mundësinë e votës çdo anëtari departamenti që do të dojë të shprehë me votë zgjedhjen për drejtues departamentesh, pavarësisht ku ata ndodhen.
Procesi i ngritjes së departamenteve pranë Partisë Demokratike është një platformë që mundëson përthithjen e kontributeve më të mira akademike dhe profesionale dhe ekselencave në fusha të ndryshme, por edhe për hapjen e Partisë Demokratike ndaj shoqërisë.
