Një deklaratë e Ina Dajçit, e shpallur “Miss Universe Albania” në gusht të vitit 202, ku pati thënë se eksperienca në këto konkurse është e tmerrshme është shpërndarë gjerësisht në rrjetet sociale.
Ajo ka pranuar ftesën e Bieta Sulos ditën e djeshme.
Dajçi sqaroi këtë deklaratë dhe tregoi se çfarë gjërash të tmerrshme nënkuptonte.
Në prapaskena, tjetër gjë thuhet, tjetër gjë ndodh, u shpreh ajo, ndërsa theksoi se ndaj vajzave ushtrohet shumë presion psikologjik dhe u kërkohet perfeksioni.
“Vajzat në konkursin në Miss Universe në Izrael ishin shumë të shqetësuara për pamjen e tyre. Disa ishin me plagë të freskëta të ndërhyrjeve. Atyre u ushtrohet një presion shumë i madh, për të qenë perfekte.
Presioni bëhet nga njerëz që komentojnë, por dhe njerëzit që janë aty. Ushtrojnë presion në mënyrë shumë të dhimbshme.
Një nga eksperiencat e para, pasi fitova në Shqipëri. Një nga gjërat që na kërkuan në fillim ishte një video ku ti tregon si do ta përdorësh platformën e Miss Universe.
Jam pjesë e një misioni humanitar në New York.
Kisha bërë dhe paraqita një video ku isha veshur me një kostum me motive shqiptare. Kostumi ishte i mbyllur dhe në momentin që ua tregova këtë video, një nga organizatorët më tha je shumë e zgjuar, por je shumë e mbyllur në videon tënde, nuk po na tregon asgjë”, tha ajo, duke treguar se i kërkuan të tregonte sa më shumë nga dekolteja.
“Kuptova që atyre nuk u interesonte mendja ime”, theksoi Missi Ina Dajçi.
“U thash që nuk jam konservatore, por në momentin që po flet për kriza humanitare, nuk mund të vishesh ndryshe. E gjitha që shihet atje është sa do të tregojë një vajzë nga hiret e saj. Mbaj mend që u ndjeva shumë keq”, theksoi ajo
