Territori i vendit tonë, sot do të jetë nën ndikimin e vranësirave dhe herë mbas here do të ketë reshje shiu.
Parashikohet që në skajin jugor dhe në zonat veriore këto reshje të jenë me intensitet të lartë deri në rrebeshe.
Pas mesdite parashikohet që reshjet të jenë në sasi më të pakët në zonat perëndimore.
Sipas MeteoAlb, temperaturat e ajrit do të bien lehtë në mëngjes dhe në mesditë duke luhatur vlerat ditore nga 8°C deri në 24°C.
Era do të fryjë mesatare deri e fortë me shpejtësi 45 km/h nga drejtimi Verior -Verilindor duke krijuar në brigjet detare dallgëzim 3 – 4 ballë.
