Çmimet e larta/ Protestë në Elbasan, qytetarët fikin makinat në trafik

Ishte njoftuar prej dy ditësh protesta e qytetarëve të Elbasanit për çmimet e larta dhe krizën ekonomike.
Sot banorët e Elbasanit janë mbledhur në sheshin ‘Gensher’ për të protestuar.
Ishte thirrja e degës lokale të PD-së për protestë kundër rritjes së çmimeve të hidrokarbureve dhe duket se qytetarë të shumtë janë përgjigjur.
Qindra persona janë grumbulluar rreth orës 11:00 dhe kanë protestuar.
Disa prej tyre kanë fikur automjetet në rrethrrotullimin e 1 majit.
Bulevardi është bllokuar nga protesta, kurse qytetarët kanë shprehur revoltën e tyre jo vetëm për çmimin e karburanteve, por edhe për krizën e rëndë ku janë zhytur.