Në kujtim të nënës Fazile Hoti (Hotja), e cila nuk pranoj të futej në kooperativë bujqësore.
Fshati im, dominohet nga toka fushore dhe pjellore.
Fshati mban emër sinjifikativ Fullqet. Studiuesit e toponimeve e shpjegojnë si toponim Arjan dhe rrënja e fjalës është Full – plot.
Në vitin 1956, ishte formuar kooperativa bujqësore.
Në publik reklamohej si bashkim vullnetar. Fakti ishte se në kooperativë ushtrohej dhunë fizike, psikologjike dhe dhunë politike.
Ata që nuk e kuptojnë, nëse nuk pranohej të futej në kooperativë, menjëherë të shpallnin kulak.
Ky ishte deklasim politik dhe përndiqeshin politikisht.
Traditë që vazhdon dhe sot… në forma të tjera sigurisht
Nanë Faziljes, i kishte ndërruar jetë djali i vetëm dhe ishte burrë dhe grua në shtëpinë e saj.
Meqenëse i vdiq e motra dhe i la dhe dy fëmijë jetimë i birësoj dy djemtë e motrës për t’i rritur.
Shtëpinë dhe tokat i kishte në mes të lagjes Çollaku.
Pavarësisht se ishim me mbiemra të ndryshëm, ne kishim marrëdhënie si vëllazni.
Në vitin 1967, ishte dhënë urdhër nga komunistët që sundonin me anë të Partisë Komuniste- Partia e Punës- sot Partia Socialiste ose rilindja, të futeshin në kooperativë pa përjashtim.
Për ato që nuk e imagjinojnë për efekt të moshës, kooperativë ishte ajo formë organizimi, ku do të dorëzoje të gjithë pasurinë e tundshme dhe të patundshme.
Pra do të dorëzoheshin bagëtitë e tokat.
Merren masa që nanë Faziles, ti merrnin tokën me forcë dhe t’ia punonin për llogari të ekonomisë kolektive.
Ngjarja ka ndodhur një ditë, rreth orës 10:00 para dite, diku nga muaji maj i vitit 1967.
Tokat ose livadhi i Hotes, ishte në vijë ajrore nga shtëpia ime rreth 200 m, larg.
Dëgjohet zhurmë e madhe. Afrohemi të shikojmë si fëmijë që ishim.
Nanë Fazilja, kishte marrë një kusi dhe një fshesë dhe spërkaste personat që kishin shkuar ti merrnin dhe punonin tokën.
Burrat që kishin shkuar t’i grabisnin tokën e trashëguar ikën me vrap.
Mësuam se në kusi nanë Fazilja kishte fekale.
E kapën me polici dhe e dërguan në Klos si të arrestuar mbasi i kishte përlyer të gjithë ata që ishin duke punuar pronën e saj.
Kurrë nuk pranoj të futej në kooperativë bujqësore, pavarësisht se tokën ia morën dhe e punonin me traktor duke i prishur strukturën.
Ajo ndërroj jetë përpara se të prishej kooperativa dhe të merrnim tokat secili të tijën.
U prehsh e qetë nanë Fazile.
U bë shkak për këtë shkrim, një shok i imi, ku sot beëri një vizitë në Klos.
