Paulin Marku/Drejtësi e munguar apo drejtësi e kapur !

1.Në një shtet ku qytetarët e këtij vendi vuajnë nga padrejtësia,në forma dhe mënyra të ndryshme,janë të detyruar të largohen nga Shqipëria në kërkim të një shteti tjetër ,ku sundon liria dhe drejtësia reale ,dhe jo liria e padrejtë, e krimit , korrupsionit, liria e të fortëve , antiligjit dhe të antishtetit, nga e cila prishet drejtësia,kriminalizohet shteti dhe korruptohet shoqëria.
2.Nga niveli i padrejtësive dhe prej krimit juridik, politik , ekonomik ,krimeve të korrupsionit shqiptarët po largohen nga Shqipëria drejt vendeve të ndryshme me çdo formë e mënyrë.
3.Kur politika kap drejtësinë dhe kur të dyja ato kapin shtetin e shoqërinë dhe mbrojnë krimin, hajdutërinë, vetëgjyqësinë dhe korrupsionin atëhere pushteti politik dhe drejtësia e kriminalizuar dhe e korruptuar korruptojnë shoqërinë dhe e kriminalizojnë shtetin.
4.Shteti bëhet kriminal kur drejtësia kriminalizohet,kur nuk jep drejtësi për të gjithë në mënyrë të barabartë, pasi shteti identifikohet me drejtësinë.
5.. Drejtësia ligjore ndërton shtet ligjor, ndërsa pushteti e drejtësia e korruptuar dhe e kriminalizuar ndërtojnë shtet kriminal e korruptiv dhe e prishin shoqërinë duke e infektuar atë me korrupsionin.
7.Drejtësi do të thotë barazi para ligjit dhe kushte të barabarta për sigurinë e jetës, punës dhe për zhvillimin e aktivitetit ekonomik, pasuror dhe intelektual dhe të meritës, zhvillimin e lirisë politike e shoqërore për të arritur atje ku meriton sipas punës e talentit.
8.Shteti , cili kapet nga padrejtësia, korrupsioni dhe krimi i pakicës politike dhe i drejtësisë së saj ,synon si shtet të përfundojë në anarkizëm , në hajdutëri, krim e korrupsion e që këto më pastaj i japin edhe shoqërisë po këto karaktere .
9.Me kriminalizimin e politikës ndodh kriminalizimi i parlamentit, pasi ai mbushet me deputetë të ndotur me rekorde krimi e korrupsioni,prej këtij parlamenti del edhe qeverisja , e mbushur me individë të tillë me rekorde krimi.
10.Kjo klasë politike me mosndëshkimin dhe sigurinë juridike nga drejtësia ,i bën që ata të jenë të paprekshëm nga ligji, duke kapur drejtësinë ,me vendosjen dhe emërimin në drejtësi individët besnikë të politikës , për ti mbrojtur dhe për të mos hetuar krimin, korrupsionin dhe hajdutërinë e politikës e të pushtetit qeverisës.
Në një shtet të kriminalizuar nga politika nuk mund të ngrihet dhe të funksionojë e mira, ligji , e vërteta dhe drejtësia.