Po, e lexuat mirë dhe është e vërtetë, Duka ka qenë në burgun e Hagës për të vizituar ish presidentin e Kosovës Hashim Thaçi dhe ish kryeparlamentarin Kadri Veseli.
Ai shoqërohej në këtë vizitë patriotike nga Agim Ademi, shef i Federatës Kosovare të futbollit.
Në rrjetet sociale, Duka shprehet i sigurt se Thaçi dhe Veseli do të dalin të fituar në këtë betejë.
Si në futboll, shkruan ai, kemi hedhur në fushë lojtarët më të mirë e për rrjedhojë do fitojmë…
Ja postimi:
“Sot pasdite isha në burgun e Hagës, Holandë. Bashkë me Presidentin e Federatës së Kosovës Agim Ademi, e anëtarin e kominitetit ekzekutiv te FFK Mirsad Çollaku, u takuam e bashkëbiseduam me dy miq, dy figura me gjurmë të padiskutueshme në historinë e Kosovës dhe shqiptarisë, Hashim Thaçin e Kadri Veselin.
Kjo historia e burgut, është sprova e fundit për ta. Dhe në çdo rast do të dalin të fituar për t’i dhënë fund njëherë e mirë të gjitha pretendimeve për të përbaltur UÇK- në dhe luftën për pavarësi të popullit të Kosovës.
Me erdhi shumë mirë që ishin mirë me shëndet dhe për më tepër për minuta të tëra folëm dhe për futbollin. Sa mirë e sa para kanë ecur Shqipëria e Kosova në këtë drejtim. Hashimi gjithmonë ka qenë një ndjekës i rregullt edhe në stadium.
Dhe kjo e Hashimit dhe Kadriut është e ngjashme me lojrat që bëjmë në fushë. Kemi hedhur në fushë lojtarët më të mirë të kombëtareve tona. Ndaj do dalim të fituar.
Hashim & Kadri, gjithë komuniteti i futbollit Shqipëri-Kosovë por edhe në gjithë trevat shqipfolëse është me ju”.
