Deputeti demokrat Ervin Salianji ka dalë në një deklaratë për mediat nga Sheshi Skënderbej për të denoncuar abuzimin dhe standartin e dyfishtë të qeverisë ndaj qytetarëve dhe biznesmenëve që ndërtojnë kullat pa leje në mes të Tiranës.
Salianji ka denoncuar ngritjen e disa kateve shtesë pa leje në një ndërtim midis rrugës së Durrësit dhe të Kavajës në qendër të kryeqytetit, pikërisht pjesa që dikur quhej “e reklamave.
“Shikojeni pak përballë institucioneve më të rëndësishme, këtu kalojnë drejtuesit e policisë, ndodhet bashkia, selia e PS, leja e miratuar nga Rama, 26 kate.
Të gjithë e shikoni që ky ndërtim ka shkuar thuajse 40 kate.
Pra qytetarët e pamundur përfundojnë në burg, cfarëdo lloj ndërtimi të bëjnë, a ka mundësi që ky ndërtim në mes të Tiranës që tregon pangopshmërinë jo vetëm të pushtetit por dhe këtyre që marrin leje, të bëhet pa bekimin e qeverisë?
Sot po e pyes a e ka referuar në prokurori policia apo ikmt këtë ndërtim? Si tek ky ndërtim, do jem në ndërtesa të tjera në përbindësha betoni që jo vetëm i kanë marrë hapësirat qytetarëve të Tiranës, por kanë marrë dhe shtetin në kontroll duke ndërtuar në vendet më të shtrenjta si të duan” , tha ai midis të tjerave
