Sikurse kryeministri Edi Rama e njoftoi në rrjetet sociale, Ambasadorja Amerikane në Shqipëri Yuri Kim, shoqëruar nga zv.kryeministrja Belinda Balluku, kanë bërë sot një vizitë në termocentralet lundruese në Vlorë.
Ambasadorja amerikane Yuri Kim dhe ministrja Belinda Balluku, kanë vizituar sot termocentralet lundruese, në Vlorë.
Ambasadorja Kim u shpreh se funksionimi i dy anijeve për prodhimin e energjisë, është e rëndësishme në këtë situatë në të cilën ndodhet bota. Ajo bëri me dije se 150-200 familje shqiptare do të mund të funksionojnë vetëm falë prodhimit të energjisë elektrike falë këtyre dy njësive.
“Kjo është e rëndësishme për diversifikimin e burimeve të energjisë më të sigurta e më të begata. Po ndaja me ministren se nuk duken bukur por funksionojnë dhe kjo është më e rëndësishmja. 150- 200 mijë shtëpi që do të funksionojnë falë këtyre anijeve. Shqipëria të ketë energjinë për të cilën ka nevojë në këtë kohë të rëndësishme”, tha Kim.
Zv.kryeministrja Balluku u shpreh se falë dy anijeve prodhuese, do të kursehet rreth 60 përqind e parave nga ajo që do të importohej për energjinë që na mungonte.
Ajo u shpreh se në vitin 2023 çdo mgw/orë do të kushtojë 529 euro, ndërsa prodhimi i energjisë në këto anije do të jetë përafërsisht gjysma e kësaj shume.
“Nga të gjitha të dhënat që kemi, mgw/orë për 2023 do të kushtojë 529 euro. kosto e mgw/orë nga këto njësi në varësi të kostos së naftës do të jetë deri në 200 euro, pra gjysma e mgw/orë që do të tregtohet në bursë. Nuk ka të bëjë vetëm me sigurinë energjitike, do të prodhohet 15 përqind e nevojës vendase dhe do të kursejmë rreth 60 përqind e parave nga ajo që do të importohej për energjinë që na mungonte.
Kemi kontratë 2 vjeçare me kompaninë, paratë që do të kursehen kemi arritur në një marrëveshje që pas 2 vite do të kemi të drejtë negociojmë për të blerë keto dy njësi dhe të jenë përfundimisht asete të Shqipërisë. kemi partneritet që do të shtrihet në vite me TEC- in e Vlorës dhe të gjitha planet e tjera. kemi qenë në garë me Gjermaninë nëse do të vinin këtu apo do të shkonin atje.
Edhe sasia e emetimit është sipas kritereve të vendosura nga Banka Botërore dhe marrëveshjeve ku Shqipëria bën pjesë”, tha Balluku.
