Tirana cilësohet si qyteti i fundit në Europë ku mund të gjeni dashurinë tuaj, sipas një sondazhi të kryer në internet që rendit në vend të parë kryeqytetin e Spajës, Barcelonën.
Me rrugicat romantike e plot ngjyra dhe plazhet e virgjëra, ndoshta nuk është çudi që Barcelona u emërua si qyteti numër një për romancë. E cilësuar si “Meka e beqarëve”, Londra u rendit e dyta. Ndërsa Berlini, ku 51 përqind e popullsisë janë beqarë, rendit i treti duke u cilësuar si vendi perfekt “për qëndrimin e hapur ndaj seksit dhe marrëdhënieve”.
Studimi analizoi të dhëna nga aplikacionet “dating” dhe mendimet e atyre që jetojnë në qytetet përkatëse. Vendi më pak i mundshëm për të gjetur dashurinë është Tirana.
Faqja e internetit deklaroi se ndërsa Tirana “shijon një jetë nate të zhurmshme”, dashuria kishte më pak gjasa të lulëzonte këtu.
Antëerp në Belgjikë zuri vendin e 49-të dhe Zagrebi në Kroaci, i 47-ti.
