Jemi në NYC, vetëm Manhattan ka 1.6 milion banorë, në fundjavë shkon mbi 3.9 milion.
Aty ku gjithcka është ndërtuar në shërbim të qytetarit amerikan që të jetojë në liri dhe në paqe, me të drejtat dhe detyrimet, me ligjin dhe drejtësinë, me atraksionet tepër të kushtueshme, por edhe me atraksione falas për të gjithë ata që duan të relaksohen pa pagesë.
1. Parku Qëndror Manhattan ose Central Park. Është një sipërfaqe sa 1/4 e Manhattan, ka një popullsi më të dënduren në botë për njësi të siperfaqes.
Një mushkëri e gjelbër në qëndër të qytetit që nuk fle kurrë, e hapur për të gjithë qytetaret pa pagesë. NË LAGJEN TONË, NË QYTETIN TONË APO NË SHQIPËRINË TONË, NUK KA SHPËTUAR NDONJË SIPERFAQE E GJELBËR APO PUBLIKE NË QYTET PA U KTHYER NË SHESH NDËRTIMI?! Kjo të tundon shumë, nuk mundesh të mos flasish për masakren që kanë dhe po bëjnë pushtetarët që ju apo ne kemi besuar me votë, për shfrytëzim, perdorim dhe planifikim të tokës..
2.Është një nga plazhet e shumta PUBLIKE, jemi aty me 23 Gusht, mos harrojmë se me New York jemi në të njëjtin meridian. Të gjithë ata që kanë parë apo pushuar në Shëngjin, në Tale apo gjithkund në bregdetin shqipëtar e kanë shijuar hidhur zënien e rërës deri në bregun e detit me shazllone, hapësirat publike kanë qënë të vogla ose hiq fare, kjo sigurisht sepse të liçensuarit perveç taksës sipas kontratës duhej të paguanin edhe nën dorë, përndryshe tatimet, inspektoriatet dhe policitë, do ti kishin ndëshkuar rëndë. NUK KA TË KRAHASUAR KJO PAMJE E TRISHTË E PUSHUESIT NË BRIGJET E LEZHËS DHE SHQIPËRISË, ME ATA NË BRIGJET AMERIKANE!
3.E lidhur ngushtë me mastërplanin e zhvillimit turistik të Shëngjinit, Lezhës dhe më tutje, GRYKËDERDHJA E DRINIT LEZHË është kthyer në një nyje hidraulike të dëmshme për zonen e Kunes ku janë gërryer siperfaqe të tëra si rezultat i mospërfundimit të investimit në skolierat e nisura por të pafinancuara prej 10 viteve rrjesht, për të mos lënë pa përmëndur ndotjen e bregut detit që i është afruar deri qendrës së Shëngjinit, apo për lagunat Kune e Vain ku uji i kripur ka depërtuar nga deti nga njëra anë dhr nga ana tjetër edhe uji me nitrite me një aciditet aq të lartë që dëmton gjallesat ujore në habitatin e tyre, apo për lumin Drin që jo vetem nuk ruan grykëderdhjen e pambyllur gjatë sezonit me pak apo pa reshje, por që ky lum po mbushet me depozitime duke lartësuar kuoten e shtratit të lumit që do të ketë pasoja përmbytjesh të padiskutueshme në vitet e ardhshme, përmbytje në qytet dhe në zonat e njohura si të atilla të rrezikuara për pak reshje ditore. Nuk bëhet fjalë që ky lum të shërbejë si mushkëri për qytetin dhe për pushuesit që e kanë ëndërr të xhirojnë ditën dhe kryesisht darkave në brigjet e tij, e aq më tepër kurë mendohet të kemi një lum të lundrueshem me turizëm të zhvilluar, me florë dhe faunë të pasur. Tallavaja me birra dhe qofte është një gjë që ka vlerën e saj për një pjesë të shoqërisë, por pjesa tjetër kërkon dhe dëshiron të ketë NJË QYTET QË NUK FLE GJUMË! Kjo situatë është sepse pak ose aspak kemi patur pushtetarë që kanë menduar për qytetin apo për vëndin tonë, pa menduar dhjetë herë më parë për xhepin e tyre, të familjes dhe miqësisë së tyre apo për PËRJETËSINË E PUSHTETIT TË TYRE.
3. Me të vertetë se kemi detin shumë afër, por larja në det është kthyer në burim infeksioni si rezultat i mungeses së shërbimeve të nevojave personale të pushuesëve. Aty ku dëgjohet specialisti dhe merret përvoja e mirë, aty do të kishim ndërtime të detyruara të pishinave pranë hotelerive sipas eksleriences së brigjeve detare të turizmit elitë. Por kjo nuk do të mjaftonte për të gjithë pushuesit e aq më tepër ka një kosto që jo çdokush e perballon, prandaj duhej të kishim edhe pishina publike. Ato publike me të vertetë që nuk të afrojnë kafe dhe ngrënie pranë pishines, por asistencen mjekesore për pushuesit, kontrollin e cilësisë së ujit dhe sigurinë për të zhyturit në pishina kurrë nuk duhet të mungonin. Po ta vini re, ajo pishina publike është vetem për një lagje të New York, kuptohet sa të tjera janë publike. Ngado që ta sjellësh mëndjen, është shumë vështirë që të kemi një vënd ku mund të ndërtohet një pishinë publike në Lezhë, në Shëngjin, në Tale po ashtu në të gjithë bregdetin shqipëtar, gjithandej kjo situatë…
4….nuk po vazhdoj më tutje sepse lexuesit do ti dukem edhe unë gogol, njësoj si të gjithë ata që kanë patur sadopak pushtet dhe që e kanë keqpërdorur gjithë këto vite, nuk do të besojnë mua apo edhe dy tre të tjerëve në Lezhë që vazhdimisht e kemi ngritur zërin edhe se askush nuk na ka dëgjuar, po kështu se kjo ka ndodhur në të gjithë shqipërinë. Në fund të fundit, meqënëse nuk ia kemi dalë të ndryshojmë situaten, edhe ne meritojmë të mos jemi bindes se në ketë vënd ka akoma njerëz që mund ta bëjnë, nuk është e lehtë të ndalohet TURRAVRAPI PËR TA BRAKTISUR ATË KU NA KA LINDUR KOKA, KU BLEGËRIJNË….
Akoma unë besoj se ky vënd do të bëhet!
