Mos më thoni shkruaj ndonjë fjalë të mirë për fillimin e vitit të ri shkollor.
Arsimi nuk është ditëlindje, ku duhet të shkruajnë fjalë të bukura e urime
Nuk është as dita e dasmës së dikujt, ku je i detyruar, ti thuash ” të trashegohesh”.
Nuk bëhet fjalë për një foto, ku duhet të bësh qokën e radhës: “Je yll; Mos març sy”, etj.
Edukimi dhe arsimimi janë procese të rëndësishme jetësore nga lindja deri në vdekje.
Arsimi është arma më e fortë që duhet të kemi, për tu përballur me të ligën, mashtrimin, krimin, bullizmin, denigrimin, diskriminimin, varfërinë, dëshirën për të përparuar e shumë sfida, beteja e deshira.
Të urosh veç thatë: Vit të mbarë shkollor, kur e di që asgjë nuk është nisur për mbarë, është njesoj sikur të kesh gënjyer familjen tënde, nënën, babanë, motrën, vëllanë, gruan e fëmijët.
Më mirë një e vërtetë e hidhur sesa një gënjeshtër e madhe.
Viti shkollor 2022-2023, është po aq i keq sa i mëparshmi në mos më i keq.
Do të mungoj ngrohja, laboratorët, interneti, motivimi dhe dëshira e mësuesve, të cilët janë të cfilitur deri në limit me laga mjerane e dhunë verbale politike, por mbi të gjitha do të mungojnë ata që janë më të rëndësishmit e që i japin kuptim dhe jetë shkollës, nxënësit.
Një pjese e tyre presin me prindërit në La Mansh, për të mbërritur në Angli, një pjesë tjetër janë të kenaqur me atë që ofrohet në Gjermani, Belgjikë, Greqi e Itali, ndërsa të tjerët as qe e dinë se është dita e parë e shkollës.
Varfëria i ka bërë të numërojnë orët qe kalojnë pa bukë, porse nuk dinë se çfarë dite është, sepse për ta sa gdhihet e erret është njësoj, nëse në tryeze nuk ka pak bukë dhe çfarë do gjeje që mund ta shoqëroj.
Mungesa e çantës, këpucëve, petkave të reja ose së paku të lara, do të bëjë që te mungojnë ditën e parë dhe me gjasë tërë vitin në shkollë.
Prandaj nëse viti i ri shkollor, vjen sërish me këto probleme të rënda, unë me plot gojën them, e madje dua të bërtas: Më mirë mos ta dimë që shkolla ka ditën e parë, e ata që na i bën dhuratë këtë sistem të ndyrë, njerëzve më parë e Zotit kur ta kenë kismet, i kanë borxh llogarinë
