1.Pas zhvillimeve të fundit në opozitën shqiptare dhe realitetit politik opozitar, debatet politike dhe sulmet mediatike ,portalet qeveritare dhe politikanët opozitar brenda opozitës janë përqendruar vetëm në drejtim të opozitës, gabimet ,lidershipi, zgjedhjet në parti dhe aspak me pozitën dhe keqqeverisjen aktuale.
2.Rezultatin e zgjedhjeve të fundit parlamentare të gjithë shqiptarët e kanë lexuar,kuptuar,shijuar dhe një pjesë e mirë e shqiptarëve e kanë votuar,pasi kjo është zgjedhja dhe bindja e tyre politike.
3.Zërat opozitarë kundra opozitës mund të jenë të drejta,të arsyeshme,por në këto 9-vite nuk drejton opozita ,por pozita e cila duhet të jetë pjesë e debatit,kundërshtimit, pasi kjo politikë aktuale drejtuese ka humbur shpresën dhe besimin e të jetuarit dhe punuarit në Shqipëri.
4.Shqetësim i madh mediatik sot është se kush do fitojë vulën në gjykatë, nga të gjitha mediat,analistët e paguar,opozitarët e opozitës dhe megafonët qeveritarë dhe askush nuk flet për çmimin e bukës,naftës,taksave të rritura dhe largimin masiv të shqiptarëve nga vendi.
5.Shqetësim i madh për këto vasalë të blerë është ,se si u bënë zgjedhjet në Partinë Demokratike,si u zgjodhën strukturat drejtuese në Parti dhe shumë pak fjalë për zgjedhjet në kampin pozitar apo për qeverinë Rama-3 dhe kabinetin e tij.
6.Shqetësi i madh mediatik,portalesh,servilësh politikë është ,se Berisha apo Alibeaj ,kur varfëria ,skamja,padrejtësia,mafia dhe krimi po rriten çdo ditë ,duke e bërë Shqipërinë një vend për të mos u jetuar.
7.Shqetësim i madh për opozitën dhe ndoshta disa janë edhe të drejta,por beteja nuk bëhet duke sharë e kritikuar vëtëm opozitën, jashtë gabimeve të saj, por duke u përballur me një regjim që po instalohet pa kuptuar në Shqipëri dhe po sjell katastrofa të jashtëzakonshme me boshatisjen e vendit nga të rinjtë, fuqia punëtore aktive dhe intelektualët.
8.Opozita ka gabimet e saj dhe kushdo që gabon duhet të reflektojë që këto gabime të mos përsëriten në të ardhmen pasi dëmtojnë jo vetëm votuesit opozitarë ,por alternativën,shpresën dhe perspektivën opozitare përballë një qeverisje të dalë nga zgjedhje jodemokratike,pavarësisht çertifimit nga ndërkombetarët.
9.Demokracia e një vendi,populli dhe shoqëria në përgjithësi nuk mund të kenë kuptim pa opozitë demokratike dhe si e tillë jashtë çdo gabimi elektoral të opozitës,me braktisje të parlamentit, zgjedhjeve vendore, komisionit të vlerësimit të kandidaturave, listat dhe fushata elektorale ,duhet të mbeshtetet për ti dhënë jetë dhe shpresë demokracisë dhe pluralizmit politik.
10.Shqetësimi i madh nuk është sot, se u largua ky, apo ai opozitar,u përjashtua ky apo ai kundërshtar i njëri apo tjetrit nga opozita,por reagimi ndaj monopolit politik qeverisës ,politizimit të administratës dhe shkatërrimit të meritokracisë.
Opozita është e vështirë por kërkon solidaritet,bashkim vlerash dhe vlerësim real !
