„Shkatërro Resortin“ është një vend që shfaqet në „No More Heroes 2: Desperate Struggle“.
Është një hotel luksoz në pronësi të rregullt dhe financuar nga korporata Pizza Bat. Vrasësi Nathan Copeland banon në një apartament nën çati dykatëshe në katin e fundit të resortit.
Në këtë motiv qëllimi është i shkruar dhe i diktuar qartë: Faza e Betejës së Vrasjeve Ekstreme. „Destroy Resort“ është një lojë me shitje të madhe.
Shitet se në plan të parë është niveli dhe themeli përpara dhe pas luftës me Nathan Copeland. Dhe mendoj se një remix i xhazit luan. Shkon si ‘nuk ka më heronj smthn smthn, travis e vret ose do të vritet’ pastaj ka një helikopter të bezdisshëm që është një dhimbje në modalitetin e hidhur. Pra është një lojë. Dhe si një lojë „Shkatërro Resortin“ ka luftë.
Ka ndeshje. Ka paramendim. Ka qëllim. Ka të gjitha këto që të shitet. E ai që e blen nuk mendon se në të ka pak fashistizim. Ka pak menu nga e keqja, nga dashakeqësia, nga qëllimi për t’ia mbyllur gojën tjetrit, qoftë ky një i mirë ose një i keq, që në fakt shkatërron dhe synon të shkatërrojë një resort të ligjshëm, një pronë për fat të keq. Në këtë Resort ruspat kanë një lidhje ruspash në përgjithësi. Dhe kjo lidhje më delegoi vëmendjen tek disa ruspa që u shfaqën në ekranet shqiptare, duke rrënuar një resort turizmi në Shqipëri, që sipas të dhënave paraprake „ruspat i viheshin një biznesi turizmi në kulm të sezonit, pa dashur të dinin se shteti i kishte dhënë leje dhe e kishte toleruar për vite me radhë.“
Ndërsa ruspat nuk shkojnë pa urdhër, dhe se ruspat kanë një mandat „shkatërrimi“ në anën që s’duket del loja në terrenin e quajtur lojë, dhe që kjo lojë shkon tashmë më shumë se nga goja në gojë. Goja e parë është tek dikasteri që mban firmën zyrtare të ruspave dhe goja e dytë është tek vetë gojët e ruspave që kërkojnë të shembin një resort të tillë. Goja e parë është një gojë e madhe, se natyrisht një e vogël nuk do të guxonte, dhe goja e dytë është e dyfishtë, pasi ka pak ngjyrim më të trishtë, një ngjyrim fashist. Unë për veten time, kurë nuk mendoj se goja që dha urdhërin, as ajo që pasoi një të tillë, ka lindur në një trup me tru fashist, ose se ajo gojë e ka dëgjuar ndonjëherë veten si të tillë teksa u ngrit në katër faqet e zyrës për shembjet e paligjshme përmes arsimimit të praruar e të privilegjuar, e vetë karrierës politike. Në të vërtetë, si gojë e një ish-zëvendësministre, që hodhi çelësat për të hapur zyrën dhe gojën e prishjeve, gjithmonë më duket se ka një hije tjetër, që është duke ushfaqur gjerësisht në një stisje liberale dhe duke u dashur nga turma, që kërkon vetëm mëdyshje, inate ndaj kundërshtarit, dhe vetëm prishje. A nuk erdhi në ditët e para të pushtetit një gojë e tillë e madhe me dinamit në Vlorë dhe në Tiranë, për të shembur e trembur kundërshtarët që ua la më pas gojën mënjanë?
Tani për tani, ajo është vetëm një gojëz, por që ka në dorë një mori ruspash, edhe pse vazhdon të ketë mbrojtës, shumë prej tyre deputetë në bankat e listave, me shtyllat kurrizore të hequra dhe shpirtrat e tyre në dënim me heqje, kjo gojë dhe kjo hije janë gjerësisht të përbuzur, shumë më tepër nga sa mund ta imagjinonin ndonjëherë të mundshme, ose të mendonin se me këtë politikë të mbylljes së gojëve opozitare, përditë e më shumë do të bëheshin të padëshirueshëm. Por sidoqoftë, kjo nuk është një lojë si „Shkatërro Resortin“ është një fakt ku hyjnë në lojë autokratët. Autokratët priren të jenë të dashur dhe të urryer në të njëjtën masë ndërsa janë në marshim, por përfundojnë duke u urryer më universalisht në llogaritjen përfundimtare. Dhe një llogari përfundimtare, në rastin konkret, do të vijë, shumë përpara llogaritjes përfundimtare. Është çështje kohe, kur koha është një jo nëse ruspat do të shkojnë në ndonjë gojë tjetër, ndoshta më fine.
Loja me „Shkatërro Resortin“ ka dhe perceptime, gënjeshtra dhe dezinformata, kjo me atë që ndodhi në prishjen e resortit të ligjshëm turistik shkon tek pandemia poltike, në atë që pikëtakon Angela Merkelin, kur zgjodhi të fliste për pandeminë “Nuk mund ta luftosh pandeminë me gënjeshtra dhe dezinformata më shumë se sa mund ta luftosh atë me urrejtje ose nxitje urrejtjeje. Kufijtë e populizmit dhe mohimit të së vërtetës bazë po zbulohen. Demokracitë kanë nevojë për të vërtetën dhe transparencën.
”Nëse ia mbyll gojën një medie të fuqishme opozitare, atëherë kush do ta bëjë transparencën dhe demokracinë?
Dihet tashmë se nëse demokracitë nuk luftojnë për të vërtetën dhe transparencën, ato dobësohen dhe ne përfundojmë në një vend shumë të errët.
Ka disa që mendojnë se kemi të bëjmë me një fashistizim të pakuptueshëm, por dhe të edukuar mirë nga anë të tjera. Unë e shoh këtë situatë dhe këtë veprim më shumë si një fashistizim të mundshëm aksidental. Një kombinim i paaftësisë së tij, dëshpërimit të tij për të mbijetuar dhe mbështetjes së tij të pamëshirshme në këngët e vjetra populiste që e çuan atë përmes „Fajin e ka kundërshtari politik“, dhe që po e shtyn tërë këtë sistem të kalbur e të varur tek „Yes-men-ët“ në atë kalbëzim, në atë drejtim.
