Ish ministri i jashtëm Tritan Shehu, ka reaguar sot për panairin e verës në Beograd që bëhet në kuadër të Ballkanit të Hapur.
Z.kryeministër, shkruan deputeti demokrat, duke ju drejtuar Ramës, nuk thjeshtohet e barazohet çështja e Ballkanit me panaire verërash.
Thelbi mbetet hegjemonia serbe…dhe mbështetja ruse.
Ja postimi:
Z. Kryeministër, panaire të verërave, janë organizuar qindra vite më parë se Vuçiç të përmendte “Ballkanin e hapur”!
Nuk lindën panairet, shkëmbimet, tregtia, lëvizjet e njerëzve në Rajonin tonë kur në Nish, Vuçiç e mbas tij Rama, u rikthyen tek “Jugosllavia e re”!
“Ballkani i hapur” nuk semplifikohet me panairet!
Ky barazim behet per te maskuar me nje panair vererash ne Beograd te verteten e hidhur, aspiratat hegjemoniste serbe nen “Jugosllavine e re”.
Te shkosh me “trumbeta” ne Beograd per nje panair te tille, kete here do te thote edhe te kerkosh te fshehesh deshtimin e qarte te asaj nisme vuciciane, me Ramen amplifikues.
Te jemi te sinqerte ajo ngel nje nisme e Beogradit ne radhe te pare influencash e aspiratash politike, interesash per dominim politiko-ekonomike ne Rajon.
Dhe mbas Beogradit qendron Rusia, Lindja, sic e konfirmoi dhe Mali i Zi.
Ndersa kush kerkon ta shese ate per nje nisme strikt ekonomike, edhe nepermjet llojeve te vererave gabon rende.
Ndoshta kujton se ka perballe njerez te dehur nga vera.
Ne fakt edhe vete Rama aty u detyrua te pranoje se kjo “nisme” shkon pertej ekonomise e politikes.
Dhe ketu ka nje te vertete, se kjo nisme lidhet dhe e ka zanafillen ne reminishencat serbe per dominim, per te cilat ajo ka perdorur jo rralle “mjete”, larg atyre politike e ekonomike, me cmime shume te larta keto per popujt.
Rajonit tone i nevojiten vetem politika e modele Europiane e Perendimore.
Vizione integruese nen garancine e Brukselit e te projekteve te tij.
Kete nuk mund ta bejne as edhe te ftuarit e vetem te cuditshem nga Ankaraja e Budapesti, qe jane thirur ne ate Samit, per te kamufluar “izolimin” nderkombetar ndaj asaj nisme.
Eshte vetem ajo Politike, me themel aspiraten europiane te popujve te Ballkanit Perendimor, qe duhet pershendetur edhe me vererat me te mira.
