Shqiptarët po zgjohen çdo ditë të traumatizuar dhe po jetojnë çdo ditë të frikësuar.
Të frikësuar për të ecur të qetë në rrugët e qytetit të tyre.
Të frikësuar për të shkolluar këtu fëmijët e tyre.
Të frikësuar për të bërë pushime e të frikësuar për tu punësuar diku.
E trishtë të thuhet, por qytetari po ndihet i rrezikuar edhe duke ndenjur i qetë në oborrin e shtëpisë së tij, pasi në ndodhinë e fundit pamë sesi një vajzë e re u vra në shtëpinë e saj nga një njeri që ecte në rrugë lagjeje me shpejtësi përtej normales!
Unë nuk e quaj aksident, unë ketë e quaj vrasje!
Po përdhunohen të mitur çdo ditë!
Po vriten njerëz çdo ditë!
Po vret vëllai vëllain sepse kjo qeveri me gjykatat e veta të korruptuara nuk ju zgjidh dot nje problem prone për 7 vjet rresht!
Po ndodhin vrasje çdo ditë në çdo orar e në çdo qytet!
Përse po ndodhin këto?
Ka vetëm një përgjigje: Nga paaftësia e qeverisë që kemi aktualisht!
Për mua kjo qeveri është fajtore dhe është vrasëse!
Arsimi është në rrezik!
Shëndetësia në rrezik!
Ekonomia në rrezik!
Qytetari është në rrezik!
Shqipëria është në situatë alarmante në çdo cep të saj!
Në qoftë se ne nuk bëhemi të gjithë bashkë sot e ti them “Boll”, ti mund të jesh viktima e ditës së nesërme!
