Policia e Kosovës ka ndaluar reperin e njohur Granit Musa me emrin e artit Azet, të cilit i kanë sekuestruar 18 mijë e 250 euro të padeklaruara në pikën kufitare të Kosovës.
Sipas njoftimit të doganës së Kosovës, në pikën kufitare të Vërmicës, reperit shqiptaro-gjerman ju sekuestruan vlerat monetare pasi i kishte të padeklaruara.
“Gjatë kontrolleve rutinore oficerët doganore kanë selektuar për kontroll një automjet me targa të Republikës së Kosovës. Pas ndalimit të automjetit vozitësi dhe pasagjerët kanë deklaruar se nuk posedojnë asgjë. Automjeti është dërguar në vijën e dytë të kontrollit nën asistimin e policisë ku pas ekzaminimit fizik tek njëri nga pasagjerët në trup (saktësisht në çantën e krahut) janë gjetur 18250.00 euro të padeklaruara”, thuhet në njoftimin e Doganës.
