Stina e verës në tërësi, veçantë muaj Gusht është vapë, rrëmujë, pushimet vjetore, ardhja e emigrantëve etj.
S’duhet harruar… është dhe muaj i mbushur me ngjarje kriminale!
Për fatin e keq, në 12 orë katër të vrarë me armë zjarri, në dy ditë gjashtë të vrarë me makinë.
Por nuk do ndalem tek situata kriminale se këtë verë vërtetë opozita nuk pushon, dhe për këto ngjarje shkroi deputeti Salianji në rrjetetet sociale.
Ai dha dhe një zgjidhje relative !
Salianji që në fushatën e zgjedhjeve të kaluara, sillej me të tijët, që nuk e donin si Togerr baba n’vakt!
Do të qëndroi tek dy botime në ballkanweb, pa dashur t’i bëjë reklamë, që pasqyrojnë jetën përtej Adriatikut.
Po pushojë në brigjet e Jonit, më tërhoqën vëmendje dy botime, sidomos i pari por ja po i ndaj me ju miq.
Nuk më tërhoqën pse ndodhin në Itali, pasi nga andej fatkeqësisht shqiptarët kanë marr veset e këqija, por dhe dhe plot të mira.
Gjithësesi një fenomen i tillë, këtu është bërë problem dhe ka lidhje me administratën publike.
Këto 10 vitet e fundit është bërë trendi dhe nuk është se ndëshkohet nga drejtësia!
I pari: “ Punoi 23, vite me diplomë fallso, bashkia zbulon se ish- Shefi policisë s’kishte qenë kurrë në Universitet, dënohet me 918 mijë euro gjobë” ! BW 15 gusht 2022. 15.51.
Është njerëzore të përpiqesh duke bërë krim ( falsifikim diplome) për të përfituar një vend pune si rasti, sikurse është sa ligjore dhe hyjnore të ndëshkohesh, por pasi zbulohet goditet penalisht nga Prokuroria për fallsifikim dhe nga gjykata me gjobë, pra institucioni që e ka punësuar në mirëbesim dëmshpërblehet!
Në Shqipëri kohët e fundit të tillë njerëz “Intelektual” me këmishë të bardhë e kravat, nëse zbulohen me diploma të tilla, fatkeqësisht në shum raste shefat ua servirin kartonin ngjyrë kafe në të kuqërremt ngrihen në detyrë… Dhe zot na ruaj oreksi i dy palëve ka mbërritur dhe në sistemin e drejtësisë.
K/ bashkiakë dhe Deputet janë bërë me kohë e do bëhen sa të kemi G. B. ( lista Lezhës 2021, nga fundi) e Gjiknura ( ku citon në lokalet e Dibrës 2016, tërmet – tërmet)!
Botimi i dytë: “Po bënin serf në ujrat e Venecias, gjobiten me nga 1500 euro dy turistë. Mesazhi i kryebashkiakut!
Më ndihmoni ti gjejmë këta budallenjtë.
BW 18, gusht 2022 18.16.
Përtej mënyrës si Venecianët e kanë zgjedhur zotërin qytetar nr 1, ky duhet të jetë model i kryebashkiakut e jo siç rëndomtë ndodh në shumicën e 61, të parëve tanë, që për model kanë ata që krijojnë probleme në komunitetet ku qeverisin siç është rasti fatkeq i ngjarjes në plazhin Potam Himarë, ku shtetari vret një engjëll nga mungesa totale dhe prepotenca e shtetit!
Vajzën e vogël e vrau zullumi i shtetit, i cili përgjigjet për sigurinë e qytetarëve të vetë!
Cili k/bashkiakë nga Velipoja në Ksamil ftoi për darkë apo stimuloi qytetarët e tij për ta ndihmuar në sigurinë në plazhe nga mjetet lundruese?
Se administratat e tyre sillen me qytetarin dhe bizneset e ndershme si pushtues edhe pse me taxat e tyre paguhen për të ju shërbyer, pa shërbyer!
Jo nuk i ftojnë për kafe, darkë, konsulencë, por disa drekojnë me shkelësit e ligjit që bëhen rrezik për sigurinë kudo!
Arsyeja është e thjeshtë, këto mjete nuk mund t’i kemi të gjithë, por ata që i kanë fatkeqësisht vendosin kush do jete k/bashkiaku nesër.
Pra jo vetëm po na e marrin jetën ngadalë duke ndërtuar ku të duan, sa kate të duan, por të përcaktojnë zhvillimin-peng të qyteteve.
Janë bërë rrezik për jetën e qytetarëve të ndershëm edhe kur pushojnë.
Ne të kundërt k/bashkiaku e pëson si Leli i Vlorës kohët e fundit, i cili kur doli nga rreshti, i paudhi fuqiplotë, i hoqi tubin e oksigjenit!
Të dyja rastet e importuara nga Italia duhet të jenë leksion për të zgjedhurit dhe administratën publike në Shqipëri e jo të trashen më keq gjërat në kurriz të qytetarit, me “ Intelektualë “ pa diploma e k/bashkiakë të diktuar nga ata që veç probleme sjellin në komunitet.
Fatkeqësisht neve dhe pas 30 – vitesh nuk pretendojmë gjykata që detyrojnë të tillë njerëz të dëmshpërblejnë për demin e shkaktuar apo të pendohen për vendime skandaloze pa përmendur rastin e gjyqtarit Vincenzo Semerano, i cili kur mësoi se 27 vjeçarja shqiptare D H, i dha fund jetës në qelitë e bugut të Veronas shkroi: “ Me fal Donatela me vdekjen tënde edhe unë dështova, dështoi sistemi “!
Apo k/bashkiakë që stimulon me darkë, ose të dalin vetë në det për të goditur shkelësit e ligjit si nr1, i Venecias!
Them; shpresojë, ka dhe do ketë shpresë!
Opozita kësaj vere seriozisht nuk pushoi.
Edhe Meta ka përvesh mëngët, por a duhet t’i besojmë si aleat, sepse 1 prilli 2013 i Shkodrës, na rikthen në përvoja të ftohta!
Vasilit të fund reformed në drejtësi!
…populli thotë mes dy të këqiave zgjedh më të voglën.
Deri në heqjen e së keqes që po gllabëron çdo qelizë të jetës së qytetarëve duhet vepruar pa kompromis kundër çdo autokracie, fallsiteti dhe qeverisje njësh me krimin!
Ato që po ndaj me ju, që kane ndodhur përtej Adriatikut, janë standarte normale në Europë, ku duam të shkojmë, por për të shkuar atje, kërkohet qytetari, kurajo, transparencë dhe persona të pa shantazhueshëm, vetëmohues, kurajoz, patjetër dhe Intelektualë që flasin me punë, jo jargavitje si k/bashkiaku im, që çdo gjë bënë, por jo ato që thote dhe duhet të bëj!
Gusht i trazuar në dy brigjet e Adriatikut.
Në Himarë- Livadh beach 3 km larg plazhit të zi të Potamit është qetë, qetësi artificiale, himarjotët belbëzojnë me pushuesit; për çfarë ?
Duke mallkuar…
Kë ? Qeverinë lokale se qëndrorja edhe i vret!
Tullumbacja nuk mban më, çibuni do plasi, gjërat do të ndryshojnë, por duhet të shkojnë më mirë!
Patjetër do shkojne më mirë, në këtë vend ka dhe do këtë shpresë.
Himarë gusht 2022.
