Paulin Marku/ Për ju, qeveritarë dhe politikanë me kollare !

1.Politikanë dhe qeveritarë të trojeve shqiptare, asnjëherë populli  nuk ju thërret për ta udhëhëqur, për ta drejtuar,  për ta sunduar, për ta varfëruar apo për ta vjedhur.
2.Politikanët e mirë dhe burrat e shtetit, populli i thërret për ti shërbyer, sepse populli të thërret kur të beson dhe besimi është emri dhe merita më e lartë për një qytetar që ju thërret për të qënë shtetar të vertetë.
3.Ky është dallimi mes udhëheqësit të shtetit nga  kalimtarët e qeverive të dështuara, sepse burrat e shtetit dhe politikanët shembullor i sherbejnë besimit, që u jep sovrani, ndërsa kalimtarët e qeverive të dështuara, ulen këmbëkryq mbi thesare, pasuri e krime.
5.Ky veprim i juaji si politikan nuk duket, por lëviz në supet e pabesisë ,të mashtrimit dhe korrupsionit, në kurriz të fatkeqëve,të nevojtarëve, të varfërve dhe të atyre që kanë humbur shpresën.
6.Merita më e madhe, por shumë hipokrite dhe kriminale e politikës dhe e qeverive në kalim, në këto vite është se nuk e kanë lënë  popullin në rehatinë normale, familjare dhe jetësore.
7.Këto politikanë kanë qenë dhe janë mjeshtra konfliktesh, mjeshtra për përfitime vetiake dhe mjeshtra luftës formale, mes vetes, por ndëshkues të fateve të popullit.
8.Pa konflikte demagogjike nuk mund të jetonin dhe të përfitonin shuma marramendëse,si  imazhi më i shëmtuar i shoqërisë tonë, i popullit të ndershëm dhe punëtorë.
9.Ju pushtetarë dhe politikanë jeni me kollare, por qafën e keni të shkurtër dhe gjuhën e gjatë, jeni të  padipllomuar, të dështuar ,sekserë të suksesshëm,që morët peng një pjesë të historisë dhe të pasurisë kombëtare.
10.Ju do mbeteni shkatërrues të mëdhënjë të historisë, demagog të ëmbël, karrierista të çmendur për fame dhe të pangopur me pasuri.
11.Koha juaj jeton në xhepat e hajdutërisë dhe vdes në kartat e djegura të historisë, si lidera të korruptuar, teoricient të dështuar dhe si ndëshkues të popullit tuaj.
Mbroni lirinë, mos luani me bukën e fukarenjëve dhe mos u sulni pas parasë !