Në dy postime të njëmbasnjëshme, Kryeministri Edi Rama njofton për kantieret e hapura në rrugën Perlat- Lurë-Arras dhe ndërtimin e rrjetit të ri të Ujësjellësit të Valbonës.
Këto investime, shkruan ai, do të jenë në shërbim të banorëve të zonave respektive, por edhe të rritjes së kapaciteteve turistike.
Ja postimet e tij, për dy kantieret:
🚧Vijon puna në kantierin e rrugës Perlat-Lurë-Arras, në veri të vendit që verën e ardhshme do të jetë gati🙏
Ky aks lidh krahinat e Mirditës, Lurës, e Peshkopisë. Një investim që jo vetëm do të lehtësojë jetën e banorëve përreth, por do të shërbejë edhe si një lidhje turistike mes Parkut të Korabit dhe Parkut të Lurës e duke mbërritur deri në bregdetin Adriatik🙏
🚰Në grykën e VALBONËS, ku po mbështesim rritjen e kapaciteteve të turizmit malor pas ndërtimit të rrugës së re, po shkon drejt përfundimit edhe puna për rrjetin e ri të furnizimit me ujë të pijshëm, si edhe rrjetin e kanalizimeve të ujërave të zeza bashkë me impiantin e trajtimit të tyre, që do të sigurojnë mosprekjen e kaltërsisë së mahnitshme të lumit nga ndotja, ndërkohë që zona merr përparësi të plotë në zhvillimin e turizmit🏕️
