Asnjë recetë standard nuk ka për këtë pyetje shekullore.
Ju mund të zgjidhni atë çfarë juve ju bën të ndiheni më mirë.
Rumunët p.sh, kanë një shprehje: “Burrat duhet të pinë verë të kuqe që të mbajnë gratë ngrohtë dhe femrat duhet të punë verë të bardhë që të mbajnë burrat pastër”.
Kjo nuk do të thotë se është diktuese, por nënkupton se në popuj të ndryshëm ka të thëna të ndryshme.
Po shkenca si e trajton ?
Studimet kanë treguar se konsumimi i moderuar i verës mund të jetë i mirë për zemrën dhe sistemin e qarkullimit të gjakut.
Ekzistojnë gjithashtu prova se pirja e verës në mënyrë të moderuar mund të ulë rrezikun e diabetit të tipit 2.
Verës e kuqe – Vera e bardhë
“Në krahasimin e verës së kuqe me verën e bardhë, përfitimet shëndetësore përkojnë në konsumimin e verës së kuqe”, thotë Courtney Kalamar, një dietologe e licencuar që punon në spitalin “Piemonte Henry”.
“Kjo është pjesërisht për shkak të faktit se lëkura e rrushit përfshihet në fermentimin e verës së kuqe”,
shton ajo.
Vera e bardhë bëhet kryesisht me rrush të bardhë dhe lëkurat ndahen nga lëngu para procesit të fermentimit, ndërsa vera e kuqe bëhet me rrush më të errët të kuq ose të zi, dhe lëkurat mbeten në rrush gjatë procesit të fermentimit.
Ka një numër antioksidantësh që gjenden në lëkurën e rrushit, të cilët mund ta bëjnë verën e kuqe opsionin më të shëndetshëm.
“Për sa i përket përfitimeve, vera e kuqe është treguar se promovon shëndetin e zemrës, përmirëson nivelet e kolesterolit HDL (yndyra të dobishme), zvogëlon nivelet e kolesterolit LDL (yndyrat e pashëndetshme) dhe zvogëlon rrezikun për mpiksjen e gjakut”, thotë Kalamar.
Sipas saj, konsumimi i moderuar i verës së kuqe është lidhur gjithashtu me zvogëlimin e rrezikut të disa llojeve të kancerit, uljen e rrezikut të gurëve të tëmthit dhe përmirësimin e funksionit njohës.
Të gjitha këto përfitime janë rezultat i antioksidantëve, polifenoleve, resveratrolit, flavonoideve dhe taninave në verën e kuqe.
Polifenolet janë molekula me bazë bimore që kanë veti antioksiduese dhe pikërisht vera e kuqe përmban një nivel të lartë të polifenolit resveratrol, i cili mund të ndihmojë në parandalimin e rritjes së qelizave kancerogjene dhe zvogëlimin e rrezikut të sëmundjeve të zemrës.
Në fund të fundit, preferenca e verës është një zgjedhje personale. Dhe ata që zgjedhin të konsumojnë ndonjë pije alkoolike, qoftë për shëndet apo për argëtim, duhet ta bëjnë këtë vetëm me masë.
“Shoqata Amerikane e Zemrës aktualisht rekomandon që njerëzit të pinë alkool vetëm me moderim – që do të thotë një deri në dy pije në ditë për burrat dhe një pije në ditë për gratë,” thotë Jyoti Sharma, një kardiologe në Institutin e Zemrës “Piedmont”.
“Unë u them pacientëve të mi që të mos shqetësohen aq shumë për llojin e alkoolit që po pinë aq shumë sa t’i përmbahen rregullit të moderimit”, përfundon ajo.
