Aktorja e humorit dhe moderatorja Rudina Dembacaj, ka ndarë në rrjetet sociale një foto nga spitali. Ajo tregon se para se të hynte në sallë i ka lënë “amanetet” bashkëshortit Mark Frroku, por pyet ndjekësit ta gjejnë se cili ka qenë.
“Para se të hyja në sallë gjejeni: Çfarë amaneti i lashë Markut?”, shkruan Rudina dhe jep disa alternativa. Lajmi ka shqetësuar ndjekësit të cilët janë interesuar për shëndetin e saj, e për këtë aktorja është përgjigjur vetë më vonë duke zbutur situatën.
Rudina bëri një status ku sqaronte se e gjitha ishte “një injeksion pak i vështirë” dhe nuk bëhej fjalë për asnjë ndërhyrje kirurgjikale, dhe postimi ishte thjesht për të ç’tensionuar bashkëshortin.
“Që të sqarohem ishte thjesht një injeksjon (jo ndërhyrje) pak i vështirë që duhej bërë me anestezi. Nuk e kisha amanet serioz. Më tepër për të ç’tensionuar Markun”, shkroi aktorja e humorit më vonë në profilin e saj në Instagram.
