Kreu i PD-së, Sali Berisha, në një status të tij, ka përcjellë reagimin e New York Post, Daily Mail, The Sun etjer.
Ja postimi i tij:
Jehonë botërore vrasja e Jonadës 7 vjeçare nga skafo-komisari Tase dhe shpallja e gazetarëve dhe politikanëve “Vampir” nga Rama!
Të dashur miq, mediat botërore por në radhë të parë mediat e medha amerikane dhe mediat më të medha britanike, kanë dhënë gjerësisht në faqen e parë të tyre vrasjen makabre të 7 vjeçares, Jonada Avdia në Himarë nga skafo-komisari Tase.
Kështu, gazeta e madhe amerikane, New York Post, gazeta më e madhe britanike, Daily Mail, si dhe gazetat The Mirror dhe The Sun, e shumë të tjera kanë informuar opinionin e tyre për krimin horror të kryer nga skafisti i qeverisë, komisari Tase, për vrasjen me skaf të vogëlushes 7 vjeçare, Jonada Avdia në Himarë tek lahej me babain e saj.
Ato japin intervista të dishmitarëve në vendngjarje dhe të babait të saj, Bledar Abvdia. Ato botojnë foto të Jonadëa, të të jatit dhe foto të tjera.
Mediat e huaja gjithashtu informojnë se Edi Rama, pas vrasjes së vogëlushes, etiketoi “Vampir” gazetarët dhe politikanët si dhe deklaroi se, “ky është sezoni më i organizuar, më i rregullt e më i pastër turistik ndonjëherë.”
Më poshtë shkrimi i mediave amerikane dhe britanike.
###
Mediat britanike i bënë jehonë ngjarjes që i mori jetën Jonada Avdiajt në plazhin e Potamit. Duke qenë se vajza kishte lindur në Londër, gazetarët atje kanë raportuar gjerësisht për aksidentin dhe protestat që shoqëruan ngjarjen në Tiranë.
Shkrimet pasqyrojnë detajet se si e vogla ishte duke luajtur bashkë me të atin pak metra nga bregu, në momentin kur u godit për vdekje nga skafi që drejtohej nga polici Arjan Tase.
New York Post përcjell dëshminë e Bledar Avdisë, babait të Jonadës, që ka treguar: “Isha duke u larë bashkë me vajzën në breg, kur pashë në skaf me disa njerëz në bord”.
Në fillim kishte zbritur një grua dhe më pas kishin hipur disa gra dhe fëmijë. Pas kësaj gomonia ishte afruar pranë tij.
“Erdhi në drejtimin tonë me një shpejtësi skëterrë dhe aty më ndau nga vajza” ka thënë Bledari.�Në pasqyrimin e plotë që ka bërë Daily Mail, shkruhet edhe për autorin e krimit, Arjan Tase.
“Tase tani është nën akuzë për vrasje me dashje, ndërsa 15 policë që duhet të ruanin bregun e detit u shkarkuan nga detyra. Tase, një shef policia në Elbasan do të përgjigjet para gjykatës” shkruan Daily Mail.
Detaje jepen edhe në Mirror.co.uk, ku citohen dëshmitarë të ngjarjes që tregojnë se si e mitura mbeti e vrarë nga helikat e skafit fare pranë bregut.
The Telegraph dhe The Sun, veç të tjerave janë përqëndruar në momentin kur babai i Jonadës përplaset me policin, Arjan Tase, duke marrë shkas nga foto që u shpërnda në rrjetet sociale.
“Aksidenti u shoqërua me protesta në kryeqytet, me qindra qytetarë të mbledhur përballë Ministrisë së Brendshme në Tiranë që kërkuan më shumë siguri dhe mbrojtje.
Protestuesit kërkuan dorëheqjen e ministrit Bledi Çuçi, drejtorit të policisë, Gledis Nano dhe ministres së turizmit, Mirela Kumbaro.
Qindra qirinj dhe lule u vunë në vendin ku Jonada humbi jetën dhe përballë kryeministrisë” shkruan The Sun.
Raportimet janë thuajse kudo në mediat britanike. Nuk kish si të ndodhte ndryshe, përderisa fëmija u vra në duart e babait të saj. Për më tepër vrasja ishte paralajmëruar, për shkak të incidenteve që kishin ndodhur më herët.
Por kur në rrjetet sociale nisën reagimet e para dhe kur gazetarët shqiptarë nisën të raportojnë për ngjarjen ato u quajtën “vampirë politike dhe mediatikë” nga kryeministri Rama, sipas të cilit, “ky është sezoni më i organizuar, më i rregullt e më i pastër turistik ndonjëherë”
