RUSIA KA VEPRUAR SI MBËSHTETËSE NDËRKOMBËTARE E SERBISË GJATË GJITHË KËTYRE VITEVE, PËRFSHIRË EDHE NË KËSHILLIN E SIGURIMIT.
POR KËTË PRANVERË NDODHI DIÇKA QESHARAKE:
VLADIMIR PUTIN PËRDORI KOSOVËN SI ARGUMENT PËR NJOHJEN E DONETSKUT DHE LUHANSKUT, DY REPUBLIKAT E SHKËPUTURA NË UKRAINË, THOTË MØNNESLAND DHE VAZHDON:
ISHTE NJË DUSH I VËRTETË I FTOHTË PËR SERBËT – SI NJË THIKË NË ZEMËR.
KJO TREGON SE PUTINIT NUK MUND T’I BESOHET SEPSEAI GJITHMONË BËN ATË QË I SJELL DOBI RUSISË.
SERBIA VEPRON SI MBËSHTETËSE E PRESIDENTIT RUS VLADIMIR PUTIN.
NJË NGA ARSYET PËR KËTË, THOTË MØNNESLAND, ËSHTË SE SERBIA PRET QË RUSIA T’I MBËSHTESË NË PARANDALIMIN E ANËTARËSIMIT TË KOSOVËS NË OKB OSE NË ORGANIZATA TË TJERA NDËRKOMBËTARE.
Teknika përça dhe sundo
Friis ka vënë re një ndryshim pas pushtimit të Ukrainës nga Rusia.
– Pas pushtimit të Ukrainës, Rusia është bërë më aktive në ushtrimin e teknikës përça dhe sundo në Ballkan.
Është shumë e qartë se Rusia po përpiqet të ndërtojë forcat pro-ruse në Ballkan, veçanërisht në Serbi dhe Bosnje. Sputnik News, për shembull, është një nga shtëpitë më të mëdha mediatike në Serbi.
– Autoritetet serbe mirëpresin mbështetjen e Rusisë. Serbia është zhvilluar në një drejtim më autoritar vitet e fundit, ka pasur demonstrata në Beograd në mbështetje të Rusisë, dhe një pjesë mjaft e madhe e popullsisë është pro-ruse dhe ndan një perceptim të realitetit me autoritetet ruse.
Friis thotë se lufta në Ukrainë nuk ka ndikuar drejtpërdrejt në konfliktin mes Kosovës dhe Serbisë.
Por fakti që Kosova dhe Serbia janë në anët e kundërta të atij konflikti nuk i lehtëson gjërat.
MØNNESLAND JU INKURAJON TË NDIQNI ZHVILLIMET NË KOSOVË DHE SERBI.
– SIGURISHT QË ËSHTË UKRAINA AJO QË ËSHTË MË E RËNDËSISHMJA TANI, POR JU NUK DUHET TË HARRONI BALLKANIN.
ATY KA ENDE KONFLIKTE LATENTE DHE BALLKANI ËSHTË PJESË E LOJËS QË PO LUAN RUSIA, NDAJ DUHET T’I KENI ATJE NJË SY.
Konflikti …
Arsyeja pse u ngritën trazira në pikat kufitare ndërmjet Kosovës dhe Serbisë të dielën ishte se Kosova do të vendoste rregulla të reja të hënën.
Rregullat ndër të tjera nënkuptonin që serbët që vijnë në Kosovë me letërnjoftime serbe duhet të pajisen me karta të përkohshme të lëshuara në Kosovë dhe se veturat me targa serbe duhet t’i ndërrojnë ato me targa të Kosovës.
Bëhet fjalë për zbatimin e sovranitetit të Kosovës, i cili nuk pranohet nga një pjesë e madhe e popullatës serbe në pjesët veriore të Kosovës dhe as nga Serbia”, thotë studiuesi i lartë Friis dhe vazhdon:
– Konflikti lidhur me këtë ka mbi 20 vjet që vazhdon, por tani Kosova ka një
qeveri të re, e cila ndoshta është më parimore për këto gjëra se qeveritë e mëparshme dhe pret trajtim të barabartë ndërmjet vendeve.
Shumë serioze:
Mønnesland është i vetëdijshëm se zhvillimi i fundit i konfliktit është serioz.
– Ajo që ka ndodhur tani është mjaft serioze. Kjo tregon se serbët në Kosovë duan një lloj vetëqeverisjeje në pjesët e Kosovës ku serbët janë shumicë, thotë Mønnesland dhe vazhdon:
– Tregon se sa larg janë të gatshëm të shkojnë serbët në Kosovë dhe tregon se nuk do të pranojnë të trajtohen si qytetarë të një shteti tjetër përveç Serbisë. alinsweden.blog
