Një çift me origjinë shqiptarë kanë humbur jetën në një aksident tragjik në afërsi të Janinës. Sipas mediave greke çifti bashkë me dy fëmijët ishte duke u kthyer pas pushimeve që kishin kaluar në vendlindje, shkruan epiruspost.gr
Nga aksidenti mbetën të plagosur lehtë dy fëmijët e tyre, të moshës 26 dhe 10 vjeç.
Aksidenti rrugor ndodhi kur çifti i shqiptarëve e ndali makinën e tyre në një xhep të autostradës për të kontrolluar në problem teknik, që ishte shfaqur gjatë udhëtimit.
Ata kishin dalë për të parë se çfarë kishte makina, duke lënë të hapur derën e shoferit.
Një mjet tjetër që kalonte me shpejtësi e ka përplasur makinën e ndalur, duke u shkaktuar plagë të rënda të dyve.
Burri ka ndërruar jetë në vend, ndërsa gruaja e tij gjatë transportit për në spital.
Sipas epiruspost.gr, dy fëmijët që ndodheshin në mjet janë dërguar në spital, pasi janë tronditur rëndë sepse gjithë skena e aksidentit ka ndodhur para syve të tyre.
