Mëngjesin e sotëm ka patur një shpërthim me lëndë plasëse, në një servis makinash, në zonën e Liqenit të Thatë.
Ka shkaktuar vetëm dëme materiale dhe ende nuk dihen arsyet dhe autorët.
Duket se kjo zonë e Tiranës është shndërruar në një hapësirë, ku veprojnë grupe të ndryshme me aktivitete të paligjshme.
Arrihet në këtë përfundim, nisur nga fakti që pothuajse çdo ditë ka patur ngjarje dhe janë zbuluar disa vendmbajtje armësh.
Njoftimi paraprak:
“Në orën 04:35, në afërsi të Liqenit të Thatë, në një servis automjetesh, në pronësi të shtetasit R.P., është vendosur një sasi e vogël lënde plasëse dhe si pasojë ka vetëm dëme materiale”, thuhet në njoftimin paraprak të policisë.
Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.
