Drejtori i Përgjithshëm i Policisë së Shtetit, Gledis Nano, do të dalë sot në një konferencë të jashtëzakonshme, ku pritet të njoftojë lëvizje të rëndësishme në kupolën drejtuese të Policisë së Shtetit.
Mendohet se do ketë lëvizje drejtorësh të qarqeve dhe niveleve të larta në Polici.
Informacionet paraprake janë se drejtori i Policisë Kriminale, Tonin Vocaj është shkarkuar nga kjo detyrë dhe tashmë është emëruar si zv drejtor i policisë duke i zënë vendin Albert Dervishaj i cili do të shkojë në Akademinë e Policisë.
Në vend të Tonin Vocajt, Gledis Nano ka emëruar Neritan Nallbatin.
Ndryshimet vijnë ndërkohë që së fundmi janë shënuar një sërë ngjarjesh kriminale në vend, me atentate të bujshme.
