Fillimisht i planifikuar për në orën 18:30, fluturimi nga Roma për në Alicante, në Spanjë, u nis të enjten në orën 20:22. Shkak për vonesën janë bërë disa mesazhe dhe foto të frikshme të ardhura në telefonat e personave që prisnin të niseshin në aeroport.
Gjithçka nisi pak minuta para nisjes, kur një kërkesë për të pranuar një mesazh mbërriti nëpërmjet AirDrop në iPhone-t e disa prej 147 udhëtarëve të pranishëm. Megjithëse dërguesi ishte i panjohur, shumë prej tyre (me pakujdesi) i kanë dhënë dritën jeshile.
Në atë moment një zhurmë shqetësuese filloi të dëgjohej midis sediljeve. Një seri pamjesh bardh e zi horror me kafka dhe figura makabre u shfaqën në ekranin e pajisjeve. Duke e shoqëruar atë me një tekst të errët në amharic -gjuha zyrtare e Etiopisë – e titulluar “Wake up wake up wake up”, e cila më vonë u dëshmua të ishte një anatemë e vdekjes dhe dënimit.
Për arsye sigurie, autoritetet e aeroportit vendosën të pezullonin nisjen në momentin e fundit dhe të lajmëronte Policinë Kufitare.
Agjentët nuk vonuan shumë për të identifikuar personin përgjegjës për ngjarjen, një 18-vjeçar spanjoll i prirur për shaka.
Ai ndoshta u frymëzua nga një episod i ngjashëm që ndodhi në maj në një fluturim Tel Aviv-Stamboll, kur nëntë persona u kishin dërguar pasagjerëve të tjerë fotografi të përplasjeve të avionit përsëri përmes AirDrop.
Edhe në atë rast, pas frikës së kuptueshme, gjithçka u zgjidh për fat me një shtyrje të thjeshtë (ndonëse të bezdisshme) të ngritjes, raporton Corriere della Sera.
