Dy persona të shpallur në kërkim ndërkombëtar nga Finlanda kanë rënë në prangat e policisë së Shijakut.
Bëhet me dije se në pranga kanë rënë shtetasit -K. U., 30 vjeçe, dhe L. H., 32 vjeç, të dy banues në Finlandë. Perssonat në fjalë akuzohen për trafikim të lëndëve naroktike.
Njoftimi i policisë:
Vijon bashkëpunimi i ngushtë i strukturave të Policisë së Shtetit me homologët, për kapjen e personave të shpallur në kërkim ndërkombëtar.
Finalizohet operacioni policor ndërkombëtar i koduar “Manhunt”.
Operacioni, nga Fast Albania, në bashkëpunim të ngushtë me FAST Finland, Interpolin e të dy vendeve dhe DVP Lezhë.
Kapen dhe arrestohen, me qëllim ekstradimi, 2 shtetas finlandez, të shpallur në kërkim ndërkombëtar për veprën penale “Trafikimi i lëndëve narkotike të forta dhe sintetike”.
Falë bashkëpunimit dhe shkëmbimit të informacionit në kohë, ndërmjet FAST Albania dhe FAST Finland, për vendndodhjen e dy shtetasve finlandez në kërkim ndërkombëtar, është organizuar dhe finalizuar operacioni policor ndërkombëtar i koduar “Manhunt”.
Si rezultat i këtij operacioni, në Shëngjin, Lezhë, u bë e mundur kapja e shtetasve:
– K. U., 30 vjeçe, dhe L. H., 32 vjeç, të dy banues në Finlandë.
Interpol Tirana, në bashkëpunim me autoritetet ligjzbatuese finlandeze, vijon punën për ekstradimin e këtyre shtetasve drejt Finlandës.
Ky operacion tregoi rëndësinë e krijimit të strukturës policore FAST Albania, si dhe profesionalizmin dhe besueshmërinë e strukturave të Policisë së Shtetit, për të vepruar si të barabartë me homologët.
