Stina e ndjesave nga lart, por jo e pendesave të shikueshme poshtë…!
Gjatë këtij muaji kemi qenë dëshmitar të kërkesave ndjesë publikisht nga disa liderë partiakë dhe pushtetarë…Në Shqipëri, kërkuan falje Berisha, për ligjin 7501; Edi Rama, për gabimet që ka bërë gjatë 9 vjetëve të qeverisjes…Në Malin e Zi kërkoi falje për deklaratën lidhur me masakrën e Srebenicës si dhe për marrëveshjen e qeverisë së tij me Kishën Ortodokse të Serbisë.., kryeministri Abazoviç…Në Itali, pranoi disa gabime e kërkoi falje kryeministri Draghi për situatën politike, ekonomike, sociale…të krijuar në vend. Në SHBA, dje kërkoi falje Presidenti Biden, lidhur me deklaratën e tij se mund të kishte “kancer të shkaktuar nga puset, uzinat, depozitat, tymrat…e naftës”…Jo rastësisht “ka harruar” t’u kërkojë falje popullit ukrainas, popullit rus, shumë popujve në Europë, presidenti Putin, i cili, me sa lë të mendohet, nuk njeh gabime, reflektim, mëshirë, pendesë, kthesë, dorëheqje…!
Duke kujtuar edhe plot ndjesa publike nga wipa të tjerë politikë dhe pushtetarë, shumë vite më larg, më afër apo në këto vite, ka rënë në sy e na ka mbetur në mendje një mendësi, praktikë, traditë…e tyre. Për “rastësi e çudi”, të gjithë liderët, partiakë dhe pushtetarë, kërkojnë publikisht shpesh ndjesë, por “harrojnë” të shprehin me vepra konkrete, të shikueshme, të ndjeshme, të përjetueshme… shpesh herë pendesë. Më e keqja, më me rrjedhoja destruktive, regresive, negative… për shumicën e popujve dhe të vendeve të tyre, është se nuk bëjnë, po me vepra të shikueshme e të prekshme, kurdoherë kthesë!!!??? Kthesat janë kaq të pakta sa nuk është nevoja për makina llogaritëse dhe arkiva kompjuterike…Kjo, ndoshta, për shkak se për stivën e gabimeve dhe fajeve, nuk marrin në të shumtën e rasteve, asnjë ndëshkim funksional e ligjor, por e kalojnë lumin me një…ndjesë!!!
