Komisioni i Pavarur i Kualifikimit njoftoi sot shkarkimin nga detyra të prokurorit të Vlorës Alfred Sali.
Prkurori Sali doli para trupës gjykuese më 20 korrik, ndërsa Komisioni i Pavarur i Kualifikimit ngriti dyshime mbi ekzistencën dhe destinacionin e një shumë prej 75 mijë eurosh, që prokurori i Vlorës, Alfred Sali kishte tërhequr nga banka pas një “jackpot”-i në një faqe bastesh online në vitin 2014.
Trupa e KPK që hetoi Salin e përbërë nga Xhensila Pine, kryesues, Olsi Komici relator dhe Valbona Sanxhaktari anëtare, theksoi se pas hetimeve rezultonte se Sali nuk e kishte deklaruar shumën e fituar si gjendje cash në vitet pasuese.
Në fund të seancës, Sali tha se kishte arritur nivel të besueshëm në të tre kriteret dhe kërkoi konfirmim në detyrë.
Argumentet e tij nuk e kanë bindur trupën gjykuese, që vendosi shkarkimin e tij nga detyra.
