Policia ka dhënë detajet lidhur me atentatin me 3 viktima që ndodhi këtë pasdite në mbikalimin e Fushë Krujës.
Në aksin rrugor Fushë Krujë-Thumanë, te mbikalimi i Fushë Krujës, në drejtim të një automjeti tip “Volsëagen Passat” është qëlluar me armë zjarri.
Si pasojë automjeti ka marrë flakë dhe janë djegur në automjet dy shtetas.
Personi i parë që mbeti i vrarë dhe u identifikua është Diklen Vata, 30 vjeç, nga Fushë Mamurrasi, i cili ka qenë pasagjer por ka mundur të dalë nga automjeti, dhe ka humbur jetën sapo ka dalë prej tij.
Bëhet me dije se Besmir Hoxha dhe Brilant Martini dyshohet se janë dy viktimat e tjera të atentatit në Fushë-Krujë.
Burimet bëjnë me dije se kanë qenë familjarët e Vatës ata që kanë bërë me dije se ai ka qenë në makinë me Hoxhën dhe Martinin, ndërkohë që pritet edhe ADN-ja për ta konfirmuar, mbasi djegia e ka bërë të pamundur identifikimin me sy të kufomave.
Në vendngjarje ndodhet grupi hetimor dhe forca të shumta Policie.
Nga krehja e zonës, në Larushkë, është gjetur duke u djegur një automjet tip “Volsëagen Passat” që dyshohet se është i autorëve.
Në brendësi të automjetit eshte konstatuar një armë zjarri automatike që dyshohet se është përdorur nga autori/ët për të kryer krimin.
Në ndihmë të Policisë vendore kanë shkuar grupe të FNSh Tiranë dhe janë ngritur pika kontrolli nga DVP Tiranë e Lezhë.
