Një ngjarje pak e çuditshme ka ndodhur në futbollin e Australisë, ku tifozët shqiptarë u ndaluan të ishin prezent në transfertën e një ndeshje. Skuadra e North Sunshine Eagles që quhet klub shqiptar dhe Springvale White Eagle me përbërje serbe u ndeshën më 15 korrik.
Sfida ishte e vlefshme për llogari të NPL Victoria 3, që është kategoria e tretë e futbollit gjysmë-profesionist në Victoria, Australi. Ndeshja u luajt në shtëpinë e klubit që ka mbështetës serb, teksa nuk u lejuan tifozët shqiptar të ishin prezent. Kjo për shkak të trazirave që mund të shkaktoheshin.
Vendimi u mor në bashkëpunim me autoritet dhe tifozët miq nuk ishte të pranishëm. North Sunshine Eagles(klubi shqiptar) fitoi me rezultatin 2-3 në shtëpinë e Springvale White Eagle, duke dalë nga aty me fitore.
Në renditjen e përgjithshme, klubi shqiptar mban vendin e 7, teksa Springvale Ëhite Eagle renditet e parafundit në kampionatin me 12 skuadra.
