Mbas shumë kohësh, çmimi i naftës, në bursën ndërkombëtare ka rënë nën 100 dollarë dhe kjo është reflektuar në tregjet nacionale në gjithë botën.
I vetmi vend imun ndaj kësaj dukurie ngushëlluese mbetet vetëm Shqipëria, ku çmimet mbeten katastrofike.
Në vendin tonë një litër naftë kushton plot 240 lekë, pasi aq e ka fiksuar çmimin bordi i transparencës gati një javë më parë.
Megjithatë gjatë këtyre ditëve, çmimi i naftës për fuçi në bursë ka pësuar luhatje, e gjatë 24 orëve të fundit ka pësuar një rënie të ndjeshme.
Aktualisht një fuçi nafta e papërpunuar tregtohet me 93,92 dollarë, ndërsa një fuçi naftë bruto tregtohet me 97,62 dollarë.
E ndonëse çmimet në bursë kanë pësuar rënie të madhe, është e paqartë nëse Bordi i Transparencës ka në plan të mblidhet për të përditësuar çmimet në vendin tonë.
Tashmë është e qartë se politikat e çmimeve në vendin ballkanik i bëjnë ata që shesin dhe jo tregu.
