Deputeti demokrat Mziu, e quan katastrofë faktin e shpopullimit të vendit.
Referuar të dhënave nga EUROSTAT, ai bënë analizën që e nxjerrë Shqipërinë më të vogël sesa në vitin 1982.
Ja postimi i plotë:
Shqipëria thyen rekord ndërkombëtar mbas 40 vitesh, më e vogël se në vitin 1982.
Shqipëria me emigrimin më të madh në rajonin e Ballkanit!
Shqipëria e katërta në Europë për rënien më të madhe të popullsisë, krahasuar me fillim vitet 1990!
Të dhënat janë publikuar sot nga Eurostat, në raportin për ecurinë e popullsisë së Europës që nga vitet 1960, me rastin e ditës botërore të popullsisë.
Në vitin 2022, popullsia e Shqipërisë zbriti në 2.79 milionë banorë, që është niveli më i ulët që nga viti 1982. Në krahasim me fillim vitet ’90, popullsia është tkurrur mei 15%.
Nga viti 1960, popullsia e Shqipërisë u dyfishua, duke kulmuar në vitin 1991 me gati 3.3 milionë banorë.
Më pas, filloi tkurrja e ndikuar fillimisht nga emigracioni i lartë, pastaj nga rikthimi i ciklit të emigracionit dhe plakja graduale e popullsisë, e ndikuar nga emigracioni dhe numri i lindjeve! Pastaj në vitet 2013-2022 kemi një rikthim të emigrimeve si në vitet ’90, për shkak të papunësisë.
Rënia e popullsisë u përshpejtua dhe për shkak të pasojave të COVID, që rriti ndjeshëm vdekshmërinë në vend.
Rekordin në Europë për tkurrjen e popullsisë nga fillim vitet 1990 e mban:
Bulgaria me -21,1%. Kroacia -18.9% dhe Rumania -17.9%.
Kuptohet këto tre vendet duke qenë pjesë e BE kanë lëvizur të lirë brenda unionit Evropian!
Tendenca e Rajonit!
Popullsia e Shqipërisë emigroi 15%.
Popullsia e Serbisë 10.8%,
Kosova me 10,2%
Maqedonia e Veriut me 2,9%,
Mali i Zi me 2,4%.
Tendenca e Europës!
Sipas Eurostat, Popullsia e BE-së u rrit nga 354.5 milion në 1960 në 446.8 milion më 1 janar 2022, një rritje prej 92.3 milion njerëz!
Shkalla e rritjes së popullsisë së BE-së u ngadalësua me vetëm 0.7 milionë persona në vit gjatë periudhës 2005-2022, krahasuar me një rritje mesatare prej rreth 3.0 milionë persona në vit. gjatë viteve 1960-2005!
Me këtë qeveri që kemi nuk mundet që të mos ishim të parët e rajonit (për keq në emigrim, si të pashpresë)!
