Kështu shkruan deputeti demokrat Tritan Shehu në një reagim të tij në “Facebook”
Profesor Shehu thotë se u rrëzuan 4 amendamentet e propozuara nga Berisha dhe Shehu në kundërshtim me praktikën e diskutimeve të rezolutave. Votimi ishte i parregullt, jo në përputhje me rregulloren.
Ja postimi i plotë:
Në Kuvendin e Shqipërisë „votohet“, por nuk dihet si votohet!
Votimi për Srebrenicën ishte i pa rregullt!
U votua të enjten ajo Rezolutë ….thuhet që u miratua!
U “votuan” dhe katër amendamentet e paraqitura nga Berisha dhe une për ate…thuhet që u rrëzuan!
Ishin katër amendamete esenciale për vendosjen e asaj Rezolute në „shinat“ e kërkesave normale të një Rezolute të tillë, që pa ato është shumë larg realitetit, dobisë, mesazhit që duhet të përcjellë.
Thuhet…., se askush nuk e di edhe sot si votuan deputetët emër për emër, gjë që është detyrim për tu njohur në “kohë reale”!
Kur në fakt nuk duhej e nuk mund të votohej Rezoluta në tërësi, pa u shpallur qoftë dhe rezultati i votimit të atyre amandamenteve….këtë thotë rregullorja!
Kjo është dhe logjika e votimit…sepse qëndrimi në tërësi i çdo deputeti lidhet edhe me rezultatin për çdo amendament!
Edhe ky nuk dihej kur u votua Rezoluta në tërësi!
Pra ai votim ishte i paregullt, jo në përputhje me Regulloren.
Si i tillë ai duhet të bëhet “nul” e të përsëritet në kushte normale!
Po kështu transparenca e votimit, njohja e publikut në kohë reale me atë si votojnë deputetët, është thelbësore për një parlament demokratik.
Prandaj dhe Kuvendi ynë është i pajisur me një sistem të tërë elektronik votimi…
…por që prej shumë kohësh nuk përdoret, qëndron i fikur!!!
Ndërsa deputetët tanë votojnë edhe pa mbaruar debatet, me copa letrash, që më vonë numurohen diku manualisht e bëhen publike kur aktualiteti i tyre ka humbur plotësisht.
E theksoj, aktualiteti i tillë parlamentar, si në këtë rast vlen kur rezultati njoftohet në “kohë reale” emër për emër deputeti, ndryshe lindin natyrshëm e plot dyshime!.
Dhe e gjithë kjo bëhet në kundërshtim të plote me Rregulloren, që i përmban qartë mënyrat e votimit, bërjen e tij vetëm mbas mbarimit të debateve e radhën e kryerjes në raste të tilla amendamentesh.
Unë nuk gjej asnjë nga ato, të përputhshme me mënyrën e “sajuar” në Kuvendin tonë qëllimisht e “sui generis”, për të qenë së paku jo transparente…
Dhe ndërkaq i gjithë investimi i bërë për votimin elektronik, që siguron transparencë në kohë reale për çdo deputet, si në të gjithë botën demokratike, po amortizohet pa u përdorur.
Fatkeqësisht megjithë insistimet, vazhdon të heshtet, edhe nga ata përfaqësues të “opozitës ” që janë pjesë e “Konferencës së kryetarëve ”!
Pse po ndodh kjo?
