Dikur u mburrën me nismën shkolla qendër komunitare, mburreshin se po zgjidhnin drejtues shkollash me konkurs dhe jo të emëruar politikisht, se politika kishte dalë jashtë mureve dhe oborrit të shkollës.
Si çdo gjë e thënë prej Rilindjes, mbeti thjesht fjalë në erë. Shkolla është e politizuar deri në qelizën e fundit dhe ajo që kishte mbetur pa u bërë, ishte përdorimi i saj për aktivitetet partiake në kundershtim të plotë me legjislacionin në fuqi.
Madje Kryetari i Bashkisë së Tiranës, as që mundohet ta fshehi faktin se aktiviteti për zgjedhjen e kryetarit të PS, në Njësinë Administrative nr 3 është bërë në oborrin e shkollës “Çajupi”.
Në një shtet normal, drejtuesja e arsimit të Tiranës, Ministri i Arsimit dhe Kryeministri do të kerkonin largimin nga detyra dhe ndjekje penale për këtë shkelje të ligjit nga organizatorët e kësaj veprimtarie politike në mjediset e institucioneve arsimore.
Po, ja që nuk jemi shtet normal dhe kërkesa e mësipërme, mund të duket anormale…
