Do vrarë filozofi e frikës dhe e indiferentizmit !
Njerëz të braktisur e të lënë rrugëve të Tiranës e Shqipërisë, njerëz të pa shpresë, njerëz të pa përkrahur, të harruar nga pushteti e shoqëria, njerëz të lënë në agoni e mëshirë të fatit.
Të vrasim këtë filozofi frike me regji pushteti, që ka tradhetar interesat kombëtare.
Të shkelim zhargonin “që ç’më duhet mua “, për të shpëtuar Shqipërinë dhe këta njerëz të lënë në mjerim, ndërkohë pak metra më tej, lluksi dhe babëzia, perversiteti, vjedhja, mosndëshkimi i pushtetit po kthehen në standarde normal.
Shqiptarët në veçanti janë shquar për solidaritet e humanizëm, të mos t’i humbim këto virtyte të trashëguara nga gjyshërit dhe prindërit tanë, të bëhemi bashkë për të ndryshuar këtë realitet të dhimbshëm, ku gjysma e shqiptarëve kanë ikur nga vendi dhe gjysma tjetër po tentohet të shtrihet si ky i moshuar i braktisur e i lënë në meshiren e fatit, në Tiranë, në temperaturë 40 gradë !
Duhet reagim i fortë përtej bindjeve politike për të shpëtuar këtë vend, jetojmë në një tragjedi për shkak të një pushteti të korruptuar, një pushteti të lidhur me krimin e organizuar, një pushteti, që s’ka lidhje as me demokratët as me socialistët e me ç’do shqiptar patriot.
Imagjinoni një moment, nëse ky i
moshuar, që kushedi si i ka hallet, të kalonte në botën e amëshuar, do t’i duhej një “vendstrehim” për botën tjetër, mirëpo drejtori i partisë do haraçin për atë gropë, që të gjithë e kemi të përcaktuar.
E pra, kjo kërkon, të bëhemi bashkë përtej bindjeve politike që ky pushtet të ketë frikë e tmerr nga shqiptarët.
Nëse ndodh ndërgjegjësimi i nevojës së bashkimit qytetar, atëherë këta pushtetarë do të përgjigjen para njerëzve dhe Zotit.
