Kryetari i Bashkisë së kryeqytetit Erion Veliaj, teksa ishte në Njësinë nr 3 për të prezantuar kandidatët për kreun e PS- së së zonës foli edhe për protestën e opozitës.
Ai tha se ishte pro dhënies së lejes për protestën në mënyrë që njerëzit të kuptojnë se kush e ka qeverisur këtë vend dhe nga kush kanë shpëtuar.
Nga fjala e tij :
“Kur më pyetën, kryetar a do t’i japim leje Saliut për të protestuar? Për një sekondë mendova se Tirana ka nevojë të kujtojë se nga kush kemi shpëtuar, ka nevojë t’i shohë në shesh, ka nevojë të shohë Nard Ndokën – se mund të ishte ai Ministri i Shëndetësisë; ka nevojë të shohë Fatmir Mediun, se mund të ishte ai në vend të Niko Peleshit e të na hidhe në erë këtu. Ndaj u thashë se lejen duhet t’ia japim menjëherë sepse njerëzit kanë nevojë të kujtohen se nga çfarë kanë shpëtuar, se kush ka qeverisur këtë vend dhe në çfarë derexheje do të ishim sikur tërmeti dhe pandemia të ishte në duart e tyre. Duhet që njerëzve t’u freskohet kujtesa, të kujtojnë në çfarë mysybeti kemi qenë dhe sa larg kemi ecur me Edi Ramën dhe me Partinë Socialiste”, tha Veliaj.
