Dr Dritan Koçiaj/ Do protestoj për…

Sot, datë 7 ora 7, unë do jem në protestë.
Shqipëria në RREZIK !
Shqipëria po shpopullohet nga shqiptarët.
Sot duhet të jetë në protestë gjithkush që :
1. Arrin të kuptojë se Shqipëria nuk është më mirë se dje.
2. Çdo buxhetor apo i vetëpunësuar që shikon apo e prek rritja galopante e çmimeve ndërkohë që të ardhurat janë po ato.
3. Çdo individ që e kupton se largimi i mbi 4000 mjekëve apo infermierëve nuk eshte pasojë e globalizimit por politikave të mbrapshta të qeverisë.
4. Çdo prind që fëmijën e vet e ka çuar jashtë dhe është i bindur nuk do ti kthehet.
5. Çdo individ apo familje, të cilëve, u janë prishur banesat në kundërshtim me ligjin apo nuk kanë përfituar një demshperblim të drejtë.
6. Çdo arsimtar, që pamvaresisht nga rritja 6% e pagës, çdo vit e më shumë rrezikon vendin e punës si pasojë e çpopullimit të vendit dhe uljes së numrit të nxënësve.
7. Çdo biznes i vogël, që pavarësisht propagandës për taksa 0, e ndjen në rënien e fuqisë blerëse apo fletoret e borxheve të klientëve.
8. Çdo fermer, i cili si pasojë e mungesës së mbështetjes nga qeveria, ka hedhur prodhimet e tij apo nuk ka mundësi ta shfrytëzojë më tokën.
9. Çdo blegtor i cili nga viti në vit ka ulur numrin e krerëve dhe prodhimeve blegtorale dhe kjo vetëm si pasojë e mungesës së mbështetjes nga qeveriu.
10.Çdo individ, që ka një çështje gjyqësore dhe është duke pritur prej vitesh në dyert e gjykatave të lëna pa gjyqtarë si pasojë e së ashtuquajturës reformë në drejtësi.
11. Çdo avokat apo noter, sidomos nga rrethet, që shumë shpejt do ta shikojë veten të papune, si pasojë e mbylljes së gjykatave në rrethe.
12. Çdo individ nga rrethet me qendra urbane të kuruar, por  totalisht të shpopulluara.
13. Çdo individ banues në Tiranë që po i merr frymën betonizimi i saj nga gradaçelat shumëkatëshe të oligarkisë.
14. Çdo individ,që ka një mjet motorrik dhe s’ka kurajë të shkojë në pikat e karburanteve për efekt të çmimeve të larta .
15. Çdo individ që arrin të kuptojë, se koncensionet apo PPP shkatërruan ekonominë e këtij vendi për të mbushur xhepat e oligarkëve, të cilët s’jane gjë tjetër veç qeveritarë apo shërbëtorë të tyre.
Ps. Janë mbase dhe më  shumë arsyet për të dalë në protestë.
Ai, që nuk e gjen veten në më pak se dy nga ato, që rendita më lart, mos të vijë në protestë.
Thjesht të qëndrojë në shtëpi dhe të presë kur t’i vijë rradha e vet.