Agim Abdyli/ Demokratë harroni mëritë, rrëzoni qeverinë e korruptuar !

Në datën 7 Korrik, do dëshiroja të ishin në sheshet e Tiranës, në protestën popullore anti-qeveritare, të gjithë ata që i kanë dhënë ngjyra, fytyrë, shpirt, jetë dhe fitore PD-së: Berisha, Basha, Meksi, Topalli, Kosova, Bushati, A.Vokshi dhe I.Vokshi, Bogdani e Kasmi, Tabaku e Doda, Spahiu e Bushati, Alibeaj e Minarolli, Salianji, Këlliçi, Topalli, të ikur e të kthyer, të kthyer e të ikur, të larguar dhe afruar, të vet-larguar dhe të penduar … mjafton që të mos kenë “hëngër çorbën” e Edi Ramës dhe të Rilindjes, kur kanë qenë larg PD-së.
Rrëzimi i pushtetit kriminal, narkotrafikant e të superkorruptuar të Edi Ramës dhe Rilindjes së George Sorrosit, kërkon si asnjëherë më parë energjitë, kontributin dhe unitetin përbashkues e gjithëpërfshirës të të gjithë demokratëve të zhveshur nga mëria dhe inatet personale (qoftë edhe ato të bazuara mbi shkaqe objektive.)
Si kurrë më parë, me dorë në zemër e premtime “me fjalë burri”, duhet kërkuar kontributi i të persekutuarve politikë të komunizmit, i ish-pronarëve, i ish-klerikëve dhe trashëgimtarëve të tyre.
Do ishte mëkat i madh sikur kësaj radhe, intelektualët e të gjitha fushave, jo vetëm të mos i bashkoheshin kësaj proteste por edhe të ishin organizatorë dhe në ballë të saj.
Tentativat e mundëshme të segmenteve të ndryshme për ta kanalizuar protestën si një revoltë popullore me karakter ekonomik dhe jo politik- siç është në realitet- do të ishin vetvrasëse dhe të pa-falshme!
Në 7 Korrik, nëse duam TË FILLOJMË një betejë drejt fitores së shpejtë, duhet të konsiderojmë se SHQIPËRIA dhe E Ardhmja pa diktaturë, pa mafie shtetërore dhe pa Superkorrupsion që minon shtetin, na kërkojnë të jemi aty: politikanë e jo-politikanë, drejtues dhe anëtarë të thjeshtë, kontributorë dhe aktivistë, intelektualë dhe të grabitur nga shteti, të zhgënjyer dhe të mashtruar, të rrëzuar e të ringritur sërish, diplomantë e post-universitarë të mashtruar, qytetarë të lënë pa punë e pa strehë nga shteti i tyre, nxënës, studentë, mësues e petagogë- të dhunuar në masë prej shtetit nëpërmjet programeve të “reformuara” globaliste apo të shkelur në dinjitetin dhe lirinë e tyre për të vendosur vetë në raste vaksinimi masiv, apo edhe qytetarët-viktima të politikave shtetërore të ndërhyrjes dhe shkeljes së dinjitetit dhe vlerave të qelizës së familjes …
Vetëm të gjithë bashkë do të mundim.
Në orën 19:00 të datës 7 Korrik, për hir të Shqipërisë, të kombit, të mirëqenies së familjeve dhe të ardhmes së fëmijëve tanë dhe sigurisht për të mirën e një PD-je të bashkuar dhe fituese … të shpresojmë se sita do të ketë mbajtur sipër sa më pak … krunde- me të cilat mbahet gjallë “furra e bukës” e Edi Ramës dhe e Sektit kriminal të Rilindjes!