Deputeti demokrat vë alarmin në një postim në rrjetet sociale për një ligj që mazhoranca ka futur sot në parlament, nëpërmjet të cilit ju akordohen 50 milionë euro kompensim oligarkëve.
Deputeti Mziu, kryesues i deputetëve të qarkut Dibër, duke qenë financier në profesion, rreshton një mori çështjesh të tjera se ku mund të adresoheshin këto para, si ulja e borxhit, ulja e taksave, rritja e ndihmës ekonomike etjer
Postimi i plotë i tij:
Maxhoranca socialiste miraton një ligj antikushtetues me efekt prapaveprues, në dëm të qytetarëve!
Rilindja shpërblen me 60 miliardë lekë ose mbi 50 milionë Euro Oligarkët, për rritjen e çmimeve!
Zero lekë për qytetarët, familjet në nevoj, fermerët, bizneset e vogëla, pensionistët…!
Sot u soll me urgjencë në Parlament akti nënligjor, në shkelje të plotë të ligjit, nga maxhoranca socialiste, për miratimin e një fondi 60 miliardë lekë ose mbi 50 milionë euro për kompensimin e rreth 30 kompanive oligarke pranë qeverisë!
Është skandaloze dhe e papranueshme një qeveri që mendon për veten e saj e oligarkët dhe aspak për qytetarët e thjeshtë?!
Qeveria kompenson oligarkët bashkpronar me qeverinë, por JO;
Nuk kompenson çmimin e naftës plr qytetarët dhe fermerët, që është dyfishuar në 6 muaj, që është 2,21 euro më e shtrenjta në rajon dhe Europë
Nuk kompenson çmimin e produkteve të shportës që janë rritur 25-75% më shumë se 6 muaj më parë
Nuk kompenson çmimin e inputeve bujqësore plehra kimike dhe pesticide, që janë dyfishuar vetëm në 6 muajët e fundit!
Nuk rrit ndihmën ekonomike për mijëra familje që nuk sigurojnë dot bukën e gojës!
Nuk rrit pensionet që janë më të ultat në rajon dhe që nuk përballon as çmimin e energjisë elektrike!
Nuk rrit nivelin e pagës që është më e ulëta në rajon e Europë dhe që e gjitha, shkonë për bukën e gojës!
Nuk subvencionon bujqësinë që siguron mbi 40% të të ardhurave kombëtare, ku punojnë mbi 450 mijë veta, që nuk garantojnë as bukën e gojës!
Nuk kompensojnë tarifat e studentëve që po braktisin jo vetëm arsimin e detyrueshëm, por dhe universitetet!
Nuk ul taksat e tatimet që janë më të lartat në rajon dhe Europë,që po e ndrydhë biznesin!
Nuk ul borxhin publik tre shifror që është rekord evropiane, por shpërblen oligarkët.
Të gjitha pronat publike shtetërore po jepen falas ose me një euro për oligarkët dhe rilindasit, ndërsa qytetarët detyrohen të ikin në emigrim!
Kjo është qeveri oligarkësh dhe kundër qytetarëve.
Këto dhe shumë probleme të tjera të shkaktuara nga qeveria janë të mjaftueshme për të dalur në shesh për ta rrëzuar këtë qeveri krimi dhe korrupsioni!
