Ngjarja e rëndë ka ndodhur në Libi.
Anëtarë të grupeve të shpëtimit thanë sot se kanë zbuluar trupat e 20 njerëzve të vdekur nga etja në shkretëtirën e Kufra në juglindje të Libisë, pranë kufirit me Çad.
Zyrtarët thanë se trupat e viktimave qëndronin pranë automjetit të tyre që nuk funksiononte.
Mjeti besohet se ka ardhur nga Çad për të sjellë emigrantë ilegalë, teksa kishte hyrë rreth 120 kilometra ose 75 milje brenda territorit libian para se të prishej.
Në pamje shiheshin zyrtarë që merrnin trupat në dekompozim në qese plastike teksa në zonën e shkretëtirës temperaturat arrijnë në më shumë se 40 gradë Celsius
(104 Fahrenheit).
Mund të jenë aty pre afro 14 ditësh, shkruan aljazeera.com/
Kjo nuk është hera e parë që refugjatët e ardhur nga kufijtë me Çadin, Nigerin e Sudan kanë një fund të trishtë, madje dhe para se te tentojne kalimin e detit Mesdhe.
