Një shpërthim me tritol ka ndodhur mbrëmjen e së mërkurës në një garazh hoteli në Sarandë.
Mësohet se kjo është pronë e Mariel Muratit , ish-drejtor i Aluizni-t Sarandë, aktualisht drejtor i FSDKSH (Fondi i Sigurimeve të Detyrueshëm të Kujdesit Shëndetësor) në të njëjtin qytet.
Ngjarja ka ndodhur rreth orës 22:40 në lagjen nr.4.
Si pasojë janë shkaktuar dëme të vogla materiale.
Hoteli ishte inauguruar para pak ditësh, ndërsa kjo është hera e dytë që i vendoset tritol.
Në shkurt 202, një tjetër sasi tritoli u vendos në atë objekt, por atëherë ishte në ndërtim e sipër.
Policia shkoi menjëherë në vendngjarje për të vijuar me procedurat ligjore.
