Kombinati i Përpunimit të Thellë të Naftës në Ballsh ka mbetur një grumbull hekurash dhe një stivë drush.
Rënia e asaj industrie, dërgoi edhe qytetin në gjendje kome.
Ballshi frymon, por nuk është më qytet i shpresës për mallakastriotët.
Kombinati ra dhe faji është i gjithë politikës, të gjithë heshtnin kur vepronte një pjesë, pjesa tjetër bënte sikur nuk shikonte kur zhvaste tjetra.
Politika dritëshkurtër e shkuli nga themelet atë industri, që edhe pse e vjetëruar, mund të rikuperohej, të paktën në disa reparte të domosdoshme.
Rrjedhojë e kësaj është paraliza e jetës ekonomike e shoqërore e Mallakastrës.
Është temë dhe problematikë e madhe kjo e uzinës së naftës dhe e Ballshit njëkohësisht, por e cekëm si temë, sepse u shkrepën fotot bashkëlidhur.
Foto, të shkrepura në ecje me makinë, jo cilësore si fotografi, por mjaftueshëm për të përcjell dramën e zezë, aty ku dilte ari i zi.
