Ky ka qenë mesazhi, në rrjete sociale, i ish kryeministrit Berisha, ndaj kryeministrit Rama, në lidhje me gjuhën fyese ndaj Bullgarisë.
Ja postimi i plotë i Liderit demokrat:
I keqpërdoruri!
Vuçiç ndërseu Ramën si sharës për t’u hakmarrë ndaj Bullgarisë për dështimin e vizitës së Lavrovit në Beograd.
Miq, dje Edi Rama, vasali i Serbomadhit Vuçiç, në një skandal të vërtetë diplomatik, shpërtheu në sharje prej ordineri ndaj Bullgarisë për veton e saj për Maqedoninë e Veriut. Duket se përdorimi i gjuhës së padenjë ndaj një vendi mik, Ramës i’u diktua nga padroni i tij, Vuçiç. E tëra kjo si hakmarrje primitive të këtij të fundit ndaj Bullgarisë për shkak të bllokimit të hapësirës ajrore nga ky vend anëtar i NATO-s, për avionin e Ministrit të Jashtëm rus Lavrov, dhe për pasojë, dështimit të vizitës së tij në Beograd.
Dënoj me ashpërsinë më të madhe sjelljen e padenjë të Edi Ramës dhe keqpërdorimin e tij si sharës me porosi nga padroni i tij, Aleksandër Vuçiç. sb
