Gjatë një tryeze me temë “Ta kthejmë Shqipërinë në rrugën evropiane”, Berisha i quajti banalitete për propagandë deklaratat e Ramës për Bashkimin Evropian.
Teksa i referohet paralajmërimit të Ramës, për të mos marrë pjesë në samitin e BE, Berisha u shpreh se kjo që po ndodh këto ditë tha Berisha, është formë e përsëritjes së asaj që ndodhi në vitet 1944-1945, duke u kthyer në anën e kundërt të historisë.
“Në këtë rrugë u arrit jo pa vështirësi anëtarësimi i Shqipërisë në NATO, u arrit në përputhje me standardet e kërkuara marrja e statusit kandidat. Gjithçka ndaloi pas marrjes së këtij statusi gjatë këtyre viteve të qeverisës së Edi Ramës.
Standardet e arritura u shpërbenë dhe e vërteta është që në mënyrë të përsëritur mendoje se ky njeri nuk ka asnjë interes për integrimin e Shqipërisë në BE
Megjithatë, ky proces është një proces me fuqi të madhe shtytëse. Por çfarë qëndrimi mbajtën ne ndaj këtij procesi. Ne mbajtëm ndaj këtij procesi një qëndrim shumë të mefshtë.
Nëse u referohemi debateve, në shoqërinë tonë, nëse u referohemi opinioneve ato në fakt janë shumë larg atij niveli që duhet të ishim në përputhje me rëndësinë jetike të këtij procesi.
Pra në këto 8 vite, jo vetëm që nuk u rrit ndjeshmëria dhe ndërgjegjësimi për rëndësinë jetik të këtij procesi, për zhvillimet në Shqipëri të lidhura me bllokimin e këtij procesi, por më shumë u propagandua nga qeveria një Evropë që ka problemet e veta të mëdha që ato probleme i pasqyron tek ne, u kalua deri në vulgaritete deri tek ajo që jemi gati të martohemi por nusja nuk po vjen, banalitete të gjitha këto për propagandë në shoqërinë tonë.
Kjo që po ndodh këto ditë është formë përsëritje e asaj që ndodhi në vitet 44-45, në kuptimin të rreshtimit në ato vite ne u rreshtuam në anën
e kundërt të historisë. ne përsëri po rreshtohemi nga një njeri në anën e kundërt të historisë”, tha Berisha.
