Nouriel Roubini, ekonomist i shquar iraniano-amerikan dhe lektor në New York University’s Stern School of Business, në një editorial në Financial Times ka ngritur alarmin për të ardhmen e Evropës, natyrisht edhe Ballkani. Ai argumenton se këto vende do të ballafaqohen me një krizë shumë të rëndë. Eksperti paralajmëron për papunësinë në rritje dhe Bashkimi Evropian do të futet në kaos.
Roubini midis viteve 2004 dhe 2007 shkaktoi shumë diskutime në komunitetin ndërkombëtar të ekonomistëve, sepse në një seri botimesh dhe ndërhyrjesh, që kulmuan me një fjalim para Fondit Monetar Ndërkombëtar në vitin 2006, ai nënvizoi paraprakisht përcaktuesit e recesionit të madh të ardhshëm: a- borxhin e tepërt privat i investuar në produkte me rrezikshmëri të lartë, b- rrezik moral në financa, c- shkëputje me ekonominë reale.
Gjithashtu nga gazeta, City of London, profesori i Universitetit të Nju Jorkut, një nga ekspertët kryesorë në mendimin e John Maynard Keynes, tërheq vëmendjen: Evropa rrezikon të jetë epiqendra e një faze të re paqëndrueshmërie në ekonominë globale.
Roubini, nëpërmjet rubrikave të Financial Times sqaron me autoritet perimetrin e kësaj hipoteze, duke nënvizuar, se në epokën e inflacionit galopant dhe krizës energjetike BE mund të shkojë drejt një situate emergjente. Roubini shkruan se “Eurozona ndikohet nga rritja e dobët potenciale dhe krijimi i vendeve të punës. Një ulje e vështirë “si përgjigje ndaj inflacionit”, sipas tij, jo vetëm që do t’i përkeqësonte këto probleme, por do të intensifikonte shqetësimet e tregut për qëndrueshmërinë e borxhit ose rrezikun e fragmentimit.
Për Roubini, “cikli i fatit” është ai i lidhjes “midis qeverive me borxhe dhe bankave qendrore që mbajnë atë borxh” nga qëndrimi i të cilave varet çdo marzh real i politikës fiskale. Njeriu që parashikoi krizën flet në mënyrë të drejtpërdrejtë: kushdo që ka sy për të parë e di se Evropa rrezikon “qafën e saj”, e shtrydhur mes krizave globale në zhvillim dhe përshpejtuesit të luftës së Ukrainës.
